Bidiyoyi da hotuna: An girgije a liyafar kammala shagalin auren Fatima Shettima da Sadiq Bunu
- An gabatar da kayatacciyar liyafar cin abincin dare ta kammala bidirin auren Fatima Kashim Shettima da Sadiq Bunu
- A kyawawan hotuna da bidiyoyin da suka bayyana, ango da amaryar sun yi shigar fararen kaya inda suka bayyana cike da kamala
- Kawaye, abokai da 'yan uwa sun halarci liyafar domin taya su murnar shiga sabuwar rayuwar da zasu yi a wannan makon
ABIN LURA: Za ku iya ceton rayuwar diya mace dake cikin hadari. Bada gudunmuwarka ga Patreon na Legit
A ranar Lahadi da ta gabata ne aka yi liyafar cin abincin dare ta kammala bidiri da shagalin auren diyar mataimakin 'dan takarar shugaban kasan Najeriya na jam'iyyar APC, Kashim Shettima, Fatima Shettima da angonta Sadiq Bunu.
Kamar yadda kayatattun hotuna da bidiyoyi suka bayyana, an ga angon da amaryarsa cike da natsuwa cikin shiga ta kamala da alfarma.
Asali: Instagram
A cikin bidiyoyin da @fashionseriesng suka wallafa a shafinsu na Instagram, an ga amarya da angon cikin shigar kaya farare gwanin sha'awa.
Ba su kadai ba, abokai, kawaye da 'yan uwa sun taya ma'auratan murna yayin da suke kokarin shiga sabuwar rayuwa ta aure da ibada.
DUBA: Bibiyemu a Instagram don samun labarai masu muhimmanci kai tsaye cikin manhajar
Hotuna da bidiyo: Dankareriyar daham din da Fatima Shettima ta saka wurin wushe-wushe ya dauka hankali
A wani labari na daban, a yau ranar Asabar, 30 ga watan Yulin 2022 ne za a daura auren Fatima Kashim Shettima da masoyinta Sadiq Bunu.
Tuni shagulgula suka yi nisa inda aka yi liyafar cin abincin dare a Abuja a makon da ya gabata, aka yi saka lalle sannan a jiya Juma'a aka yi wushe-wushe, liyafa ce da 'yan uwa da abokan arziki amma ta al'adar Kanuri.
Babban abunda ya dauka hankalin wadanda suka ga bidiyoyi da hotunan amarya Fatima shine dankareriyar sarkar gwal dake wuyan amarya.
A bidiyoyin da hotunan, sarkar ta yi zaman dirshan a wuyanta inda ta sauko har zuwa kirjinta yayin da ta saka awarwaro suma masu matukar birgewa.
Asali: Legit.ng
