Tsadar rayuwa: Sayen kayan abinci a Kogi da Jigawa ya fi Legas tsada yayin da farashi ya karu a Oktoba

Tsadar rayuwa: Sayen kayan abinci a Kogi da Jigawa ya fi Legas tsada yayin da farashi ya karu a Oktoba

  • Alkaluman hauhawar farashin kayayyaki a Najeriya ya sake raguwa a watan Oktoba zuwa mafi karanci tun karshen Disambar 2020
  • Duk da raguwar hauhawar farashin kayayyaki gaba daya, NBS ta nuna cewa farashin kayan abinci a kasar na ci gaba da hauhawa
  • Gwamnatin shugaba Muhammadu Buhari ta sha alwashin cewa ana kokarin shawo kan tsadar kayan abinci

Hukumar Kididdiga ta kasa ta bayyana cewa farashin kayayyakin abinci a kasar ya sake tashi a watan Oktoban shekarar 2021, duk da faduwar farashin kayayyaki karo na 7 a jere zuwa kashi 15.99%.

NBS ta bayyana hakan ne a cikin sabon rahotonta na farashin kayan masarufi da ta buga a shafinta na yanar gizo a ranar Litinin, 15 ga Nuwamba, 2021.

Sayen abinci a Kogi da Jigawa ya fi Legas tsada yayin da farashin abinci ya sake karuwa a watan Oktoba
Tsadar abinci a jihohi | Hoto: NBS
Source: Facebook

A hakikanin gaskiya, adadin hauhawar farashin kayayyaki a Oktoba na 15.99% shine adadi mafi kankanta a cikin watanni 10 da suka gabata. Tun daga farkon shekarar 2021 (Janairu zuwa Oktoba), alkaluman hauhawar farashin kayayyaki a Najeriya ya kai kashi 17.28%.

Read also

Wata sabuwa: Gwamnatin Buhari za ta saka sabon haraji, 'Pure Water' zai koma N50 nan kusa

Farashin abinci

Kamar yadda Legit.ng ke da rahoto kan farashin abinci, rahoton hukumar kididdiga ta kasa ya nuna cewa a watan Oktoba an tilastawa ‘yan Najeriya kara kasafin kudin sayen abinci idan aka kwatanta da watan Satumba na 2021.

A cewar NBS farashin abinci ya karu da 18.34% a watan Oktoban 2021 idan aka kwatanta da 17.38% a watan Oktoban 2020.

Yayin da a kowane wata, farashin abinci ya karu da 0.91% idan aka kwatanta da karuwar 1.26% da aka samu a watan Satumba na 2021.

NBS ta bayyana cewa hauhawar farashin kayan abinci ya samo asali ne daga tashin farashin abinci, irinsu; kifi, ganyen shayi da koko, madara, cukui da kwai, burodi, kayan lambu da dankali, doya, da sauran sauran nau'ukansu.

Hauhawar farashin abinci a jihohi

Read also

Yadda Buhari yake kashe makudan biliyoyi wajen sayen motoci, yana laftowa Najeriya bashi

Rahoton NBS ya nuna cewa a cikin watan Oktoba, hauhawar farashin abinci a kowace shekara ya fi muni a jihohin Kogi (23.69%), Gombe (23.29%), da Jigawa (21.91%).

Yayin da Edo (13.16%), Rivers (14.46%), da Adamawa (15.42%) suke mafi karancin raguwar hauhawar farashin kayan abinci duk shekara.

A wata-wata kuwa, duk da haka, a watan Oktoba hauhawar farashin kayan abinci ya fi muni a Kebbi (2.29%), Yobe (2.23%), Akwa Ibom (2.16%), yayin da Kano, Kogi, Osun, da Oyo basu sami hauhawar farashin kayayyaki ba.

Gwamnatin Buhari za ta saka sabon haraji, 'Pure Water' zai koma N50 nan kusa

A wani labarin, kungiyar masu samar da ruwan sha ta Najeriya (WAPAN) ta bayyana cewa farashin ruwan ‘pure water’ na iya tashi daga N20 a yanzu zuwa N50 kan idan gwamnatin tarayya ta aiwatar da shirin haraji kan abubuwan shaye-shaye na yau da kullum.

Read also

Har bayan wata 7, an kasa sasanta rikicin Kwankwaso da Wali a PDP

Shugaban WAPAN na kasa, Eneri Odiri Jackson ne ya bayyana hakan a wani taron da aka gudanar a Legas. 'Yan Najeriya sun shaidi tashin farashin ruwa sau uku a cikin shekarar 2021; daga N5 zuwa N10 da kuma N20.

Kwamitin Majalisar Wakilai kan Kudi a watan Agusta 2021, ya yanke shawarar cewa za ta yi wa dokar Kudi kwaskwarima don dawo da haraji kan duk wani abin sha na yau da kullum.

Source: Legit.ng

Online view pixel