Dangote Ya Samu Naira Biliyan 460 a Cikin Kwana 1, Ya Zama Attajiri na 83 a Duniya

Dangote Ya Samu Naira Biliyan 460 a Cikin Kwana 1, Ya Zama Attajiri na 83 a Duniya

  • Mai kudin Afrika, Aliko Dangote ya samu kudin da sun kai Naira Biliyan 460 a cikin sa’a 24
  • Simintin Dangote yana cigaba da kasuwa, hakan ya ba Alhaji Aliko Dangote fam Dala miliyan 100
  • A Duniyar yau, arzikin Attajirin kasar Najeriyan ya fi na Alexey Mordashov da Alisher Usmanov

Abuja - Mai kudin Najeriya da Afrika, Alhaji Aliko Dangote ya mallaki Naira Biliyan 460 a cikin kwana daya a kwana-kwanan bayan nan.

Bayanin da aka samu daga Bloomberg Billionaire Index ya nuna makudan kudin da Aliko Dangote ya samu, ya sa ya motsa a jerin Attajirai.

Shekaru 12 kenan a jere har yanzu babu wanda ya sha gaban Dangote ta fannin arziki a nahiyar Afrika, yanzu ya mallaki Dala Biliyan 19.7.

Rahoton ya ce arzikin ‘dan kasuwan ya karu ne a sanadiyyar yawan bukatar simintin Dangote da ake yi, hakan ya kara masa $100m.

Kara karanta wannan

Azumin bana: Sarkin Musulmi ya fadi ranar da ya kamata a fara duban jinjirin wata

Simintin Dangote ya yi daraja

Simintin Dangote ya cigaba da daraja a kasuwa, ana saida hannun jarinsa daya a kan N288. Alkaluman NSE na kasa ya tabbatar da haka.

DUBA: Bibiyemu a Instagram don samun labarai masu muhimmanci kai tsaye cikin manhajar

Baya ga Dalolin miliyoyin da ya samu, bakanon ya gwabje Attajirai hudu da suke gabansa a da. Za a samu wannan rahoto a jaridar Punch.

Dangote
Aliko Dangote a wajen taro a Amurka Hoto: Getty
Asali: Getty Images

Kamar yadda Legit.ng Hausa ta lura, yanzu Dangote ya zarce Alexey Mordashov da Alisher Usmanov wanda fitattun masu kudi ne a Rasha.

Da farko sai da Alhaji Dangote ya zama na 81 a masu kudin Duniya gaba daya, amma a makon da ya gabata ya yi asarar kusan Naira Biliyan 13.

A rahoton da muka samu daga Sun, duk da haka Dangote yana gaban takwarorinsa, Chuan-Fu da Lakshmi Mittal da ke kasashen Sin da Indiya.

Masu kudin Duniya

Kara karanta wannan

Abba Gida-Gida: Dalilai 6 Da Suka Sa Dan Takarar NNPP Ya Kayar Da APC A Kano

A sahun attajiran farko na Duniya, an sha gaban Elon Musk, har yanzu kuma ana damawa da Bill Gates. Ga yadda lissafin yake zuwa yau:

1. Bernard Arnault

2. Elon Musk

3. Jeff Bezos

4. Bill Gates

5. Warren Buffett

Karin albashi a Legas

Rahoto ya zo cewa kowane ma'aikacin Gwamnati zai samu karin 20% a kan albashin da ya saba karba a Legas daga wannan watan na Maris.

Babajide Sanwo-Olu ya waiwayi ma’aikata, masu aiki a kananan hukumomi da malaman makaranta kamar yadda gwamnati ta sanar.

Asali: Legit.ng

Authors:
Muhammad Malumfashi avatar

Muhammad Malumfashi (Hausa writer) M. Malumfashi ya samu Digirin farko a ilmin komfuta a ABU Zaria. Baya ga haka ya yi Digirgir a fannin kula da bayanai da wani Digirgir a ilmin aikin jarida duk daga jami'ar. Malumfashi ya kan kawo labaran siyasa, addini, wasanni da al’ada. Ya halarci taron karawa juna sani iri-iri. Imel: muhammad.malumfashi@corp.legit.ng

Online view pixel