Dalla-dalla: Hanyoyi 5 da za ku bi wajen bambance kudaden bogi da na gaske

Dalla-dalla: Hanyoyi 5 da za ku bi wajen bambance kudaden bogi da na gaske

Kowa na son kudi, hakazalika a kullum ana kashe kudaden da ba adadi, wannan yasa kudi ke da matukar daraja a idon kowane dan adam mai rai saboda dasu ne a ke cinikayya a kowane lokaci.

Kamar yadda aka sani, kudade ana samar dasu ne ta wasu hanyoyi masu matukar sarkakiyar dokoki da gwamnatoci ke ke samar wa, wannan yasa ba kowa ne zai ji a ransa zai buga kudi ba.

Sai dai, a bangare guda, akan samu wasu bata-gari da ke kera kudaden karya, wanda hakan babban kalubale ne ga tattalin arziki da ma mu'amala tsakanin jama'a.

A wannan rahoto, Legit.ng Hausa ta tattaro bayanai daga jaridar The Nation kan yadda mutum zai gane kudaden bogi don kaucewa cutarwar 'yan damfara masu jirkita Naira, kudin Najeriya.

Read also

'Yan bindiga sun tare motar jigon PDP sun yi awon gaba da shi da direbansa

Dalla-dalla: Hanyoyi 5 da za ku bi wajen bambance kudaden bogi da na gaske
Kudaden Najeriya | Hoto: legit.ng
Source: UGC

1. Duba wata dan zare a jikin Naira

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

A jikin Naira, akwai wani siririn zare a gefe guda wanda ya gangaro daga sama har kasa. Za ku ga manne wannan zare aka kasancewar ba hade yake da takardar da aka buga kudin ba.

A kudaden bogi kuwa, sam-sam babu wannan zare, ko ma dai akwai, to lallai zaku ga irin na jikin Naira ba ne saboda zaku ga an buga hoton zaren ne a jikin takardar kudin na bogi.

2. Tsoma Naira cikin ruwa ko wani nau'in ruwa-ruwa

Domin gane kudin bogi, jika kudin da ruwa sannan ku murza a jikin hannunka da kyau, maukar na bogi ne, to launukan jikin kudin zai goge kana ya manne a hannayenku.

Sabanin wannan, kudin gaske bai wankuwa domin an tsoma shi a ruwa ko wani nau'in abu mai ruwa-ruwa ko da kuwa man fetur ne.

Read also

Binciko Gaskiya: Da gaske ne DSS sun kama telan Buhari da ya yi masa dinkin Imo?

3. Yi amfani da madubin duba-rudu

Musamman gudun duba N1000, ba a iya ganin wasu zane-zanen da ke jikin kudi sai an yi amfani da madubin da zai taimakawa ido ya gani.

Domin gane hakan, ku nemi madubin duba kananan abubuwa domin ku gane kudin bogi da na gaske ba tare da bata lokaci ba.

Ku gwada wannan da gudan N1000, za ku ga wasu rubutun masu launi ruwan dorawa an rubuta N1000 a wasu sassan kudin.

4. Duba likakkiyar takardar zinare

Takardar N1000 tana da wata takardar zinare like a gefen dama kusa da sa hannun gwamnan CBN. Ya kamata ku sani cewa idan kuka kankare wannan zubin zinare, idan kudin bogi ne zai goge.

Don haka idan zabin lambobin sama na iya zama masu wahala, kuma kuna rike da gudan N1000, za ku iya kokarin kankare wannan alama don gane kudin gaskiya.

5. Takarda da ingancin launi

Read also

Jama’ar gari sun kashe wani da ake zargin dan fashi ne a Katsina

Yayin da ake yin jabun takardu irin na yau da kullum, kudin gaske ana yinsu da takarda ta musamman.

Daga murza takardar kudi, za ku gano cewa takarda ce kawai. Launukan jabun kudi, a bayyane suke. Zane-zanen da ake yi na jabu sun fi zama bau, kyallinsu kuma wani lokacin ya fiye duhu sabanin kudin gaske.

Talauci: Rahoto ya nuna 'yan Najeriya miliyan 27 ke samun kudin shiga N100k a shekara

A wani labarin, Wani rahoton Kungiyar Kare Hakkin Bil Adama da Tattalin Arzikin Kasa (SERAP) ya ce ‘yan Najeriya miliyan 27 ne ke samun abin da bai kai Naira 100,000 ba a shekara, inji TheCable.

Kungiyar, a ranar Alhamis 2 ga watan Satumba, ta kaddamar da rahoto mai taken ‘Annobar da aka Manta da Ita: Yadda Cin Hanci da Rashawa a bangaren Lafiya, Ilimi, da Ruwa ke jefa 'yan Najeriya cikin talauci.'

A cewar rahoton, ‘yan Najeriya miliyan 56 na fama da talauci kuma 57.205 daga cikinsu galibinsu na dogaro da kansu ne.

Read also

Kiwo a fili: A ba mu lokaci mu horar da Fulani makiyaya, Miyetti Allah ta roki Legas

Source: Legit Nigeria

Online view pixel