Gwamna Tambuwal Ya Nada Sabbin Ciyamomi a Kananan Hukumomi 23
- Gwamna Aminu Tambuwal na Sakkwato ya naɗa sabbin shugabannin kanann hukumomi na rikon kwarya
- Wannan na zuwa ne bayan jam'iyyar PDP ta gwamna mai ci ta sha kaye hannun APC a zaɓen da ya gabata
- Sakataren gwamnatin jihar ya bayyana sunayen sabbin Ciyamomin da lokacin da zasu fara aiki
Sokoto - Gwamnan jihar Sakkwato, Aminu Waziri Tambuwal, ya naɗa Ciyamomin riko a kananan hukumomi 23 da ke faɗin jihar ta arewa maso yammacin Najeriya.
Wannan na ƙunshe a wata sanarwa da Sakataren gwamnatin jihar, Muhammad Mainasara Ahmad, ya fitar. Ya ce naɗin ya biyo bayan ƙarewar wa'adin shugabannin kananan hukumomin.
Asali: UGC
Leadership ta rahoto cewa a sanarwan da ya fitar, SSG Mainasara ya ce:
"Sakamakon ƙarewar wa'adin shugabannin kanann hukumomi kamar yadda doka ta tanada karkashin kundin dokokin kananan hukumomi mai lamba 6 da aka yi wa garambawul, gwamna ya naɗa Kantomomi."
DUBA: Bibiyemu a Instagram don samun labarai masu muhimmanci kai tsaye cikin manhajar
"Gwamnan jihar Sakkwato ya amince da naɗa Ciyamomin riƙo wato Kantomomi a kananan hukumomi 23 gabanin a shirya zaɓen ciyamomi da kansiloli."
Jerin sunayen Kantomomin da Tambuwal ya naɗa
Legit.ng Hausa tattaro muku sunayen waɗanda gwamna Tambuwal ya naɗa Kantomomi da kuma kanana hukumomin da zasu yi aiki, su ne kamar haka:
1. Nasiru Babata- Tambuwal LGA
2. Ibrahim Muhammad Lawal- Tangaza LGA
3. Abubakar Salihu- Tureta LGA
4. Bello Abubakar Gwiwa- Wamakko LGA
5. Lawal Marafa Fakku- Kebbe LGA
6. Abdulkadir Arzika Wurno- Wurno LG
7. Garba Yakubu Tsitse- Gada LGA
8. Aliyu Shehu Illela- Illela LGA
9. Bello Wakili Bachaka- Gudu LGA
10. Haliru Abubakar Kilgori- Yabo LGA.
11. Wadata Muhammad- Binji LGA
12. Shehu Muhammad- Bodinga LGA
13. Umar Buda- Dange/Shuni LGA
14. Abdul-Wahab Yahaya- Goronyo LGA
15. Aminu A. Aya- Gwadabawa LGA
16. Abubakar Yusuf Dan-Ali- Isa LGA
17. Yahaya Abdullahi Gandi- Rabah LGA
18. Jafaru Hamza- Kware LGA
19. Umaru Danyaro- Sabon Birni LGA
20. Bello Muhammad Gunki- Silame LGA
21. Aliyu Dantani Shagari - Shagari LGA
22. Mustapha Shehu Sokoto - Sakkwato ta arewa LG
23. Faruku Abdulrahman Sayudi - Sakkwato ta kudu LG
Sakataren gwamnatin ya ƙara da cewa wannan naɗi zai fara aiki daga ranar 11 ga watan Afrilu, 2023, inji rahoton.
Ina Tinubu Ya Shiga? Sabbin Bayanai Sun Fito Kan Shugaban Kasa Mai Jiran Gado Bola Tinubu
A wani labarin kuma Jam'iyyar APC ta yi karin haske kan halin da shugaban ƙasa mai jiran gado, Bola Tinubu, yake ciki a ƙasar ketare
Kakakin APC na ƙasa, Felix Morka, ya bayyana cewa nan ba da jimawa ba Tinubu zai dawo Najeriya ya tasa babban aikin da ke gabansa.
Asali: Legit.ng
