Tinubu Ya Yi Alkawarin Karasa Aikin da Aka Yi Shekara 43 An Gaza Kammalawa a Arewa

• Asiwaju Bola Tinubu ya yi alwashin ganin kamfanin Ajaokuta ya tashi da kafafunsa a mulkinsa
• ‘Dan takaran ya shaidawa masu aikin hako ma’adanai cewa zai yi amfani da su wajen habaka GDP
• Muddin APC tayi nasara a zaben 2023, Gwamnatin Bola Tinubu za ta hada-kai da masu hannun jari

Nasarawa - A yayin da ‘Dan takaran APC, Asiwaju Bola Tinubu ya zauna da masu hako ma’adanai a garin Lafiya, a jihar Nasarawa, ya yi masu alkawari iri-iri.

This Day tace Asiwaju Bola Tinubu ya sha alwashin ganin gwamnatin tarayya ta kammala aikin kamfanin Ajaokuta wanda tun a shekarar 1979 aka gina shi.

Gwamnatoci da-dama sun yi makamancin wannan alkawari, har yau abin ya faskara.

‘Dan takaran shugaban kasar ya shaida cewa gwamnatinsa za ta hada-kai da masu hannun jari domin ganin an farfado da tattalin arziki idan ya samu mulki.

Kara karanta wannan

Tinubu: Mun Samu Dabarar da Za Mu Bi Wajen Lahanta Kwankwaso a Arewa Inji PCC

Ma'adanai za su babbako tattalin arziki

Tinubu yace masu hako ma’adanan kasa za su ba Najeriya irin gudumuwarsu idan har ya ci zabe.

A 2020, gudumuwar bangaren ma’adanai ga karfin tattalin arzikin Najeriya bai kai 1% ba, ‘dan takaran shugaban kasar yace gwamnatinsa za ta kawo sauyi.

Kamar yadda rahoton ya zo mana, da yake jawabi a ranar Alhamis, Tinubu yace zai bunkasa tattalin arziki ta yadda za a samu cigaba, a daina zaman banza.

A bangaren amfani da kayan gona, The Nation tace Tinubu yace gwamnatinsa za ta hada-kai da majalisa a kawo dokoki, kuma a zauna da masu hannun jari.

"Gwamnatina za ta tabbatar da cewa an kammala kamfanin karfe na Ajaokuta har ya fara aiki ta karkashin tsarin hadin gwiwa na PPP.

A fannin juya kayan gona, gwamnatina za ta cigaba da kokari, mu maida hankali wajen cigaban kamfanoni domin kara yawan abinci.

Kara karanta wannan

Tsohon Shugaban EFCC Ya Ga Tinubu a Aso Rock, Ya Ambaci Abin da Zai Taimaki APC

Kuma hakan zai taimakawa manomanmu da kamfanoni su kara samun darajar dukiyarsu."

- Bola Tinubu

Tinubu ya ci zabe - Ribadu

Rahoton nan yace tsohon shugaban hukumar EFCC yana ganin da wahala a samu ‘dan takaran da zai iya doke Bola Tinubu a cikin masu neman mulki.

Masu fashin bakin siyasa suna ganin cewa wadanda za su kawowa Tinubu kalubale a zaben badi su ne; Atiku Abubakar, Peter Obi da Rabiu Kwankwaso

Asali: Legit.ng