Ministan Buhari Ya Yi Wa Dino Melaye Alkawarin Wata Babban Alfarma Idan Ya Kammala Wa'adinsa A 2023

• Ministan Buhari Ya Yi Wa Dino Melaye Alkawarin Wata Alfarma Da Zarar Ya Sauka Daga Mukaminsa A 2023
• Festus Keyamo, karamin ministan kwadago da ayyukan yi, ya yi wa Dino Melaye alkawarin da zai cika a shekarar 2023
• Ministan ya ce zai yi wa tsohon dan majalisar rajista a makarantar koyon waka don ya goge kamar sauran mawakan kasar

Keyamo da Melaye sun fara musayar maganganu tun bayan nada su a matsayin kakakin yakin neman zaben Bola Tinubu da Atiku Abubakar

Ba a fara kamfen din zaben shugaban kasa na shekarar 2023 ba a hukumance amma ana ta musayar maganganu tsakanin Sanata Dino Melaye da Minista Festus Keyamo.

A wani hira da aka yi da shi a Arise TV a ranar Litinin 8 ga watan Agusta, Keyamo ya yi ikirarin cewa yana kewan kotu kuma zai koma can da zarar wa'adinsa a matsayin karamin ministan kwadago da samar da ayyuka ya kare a 2023.

Kara karanta wannan

2023: Ku kwantar da hankali, za a yi zaben 2023 ba tare da wata matsala ba, hafsan tsaro

Ministan ya yi ikirarin cewa idan hakan ta faru, zai tabbatar ya yi wa Melaye rajista a makarantar waka, ya kara da cewa kakakin kamfen din na Atiku Abubakar yana bukatar malami sosai.

Keyamo ya cigaba da cewa da tunda farko Melaye ya taho wurinsa, da yanzu ya yi nasara sosai a wakokinsa da barkwanci.

Ya yi alkawarin zai raini tsohon dan majalisar kamar yadda ya raini wasu mawaka da a yanzu suna moriyar sana'ar.

Kalamansa:

"Zan koma aikin lauya na bayan wa'adi na ta minista ta kare kuma zan tabbatar na yi wa Dino Melaye rajista a makarantar waka, yana bukatar hakan sosai."

A Aljanna Ne Kawai Ba Za A Samu Matsalar Tsaro Ba, Yanzu Kuma Duniya Muke, Ministan Buhari, Keyamo

A wani rahoton, Festus Keyamo, karamin ministan kwadago da samar da ayyuka, ya ce ba za a iya amfani da 'hare-haren' da aka kaiwa wasu sassan kasar ba a matsayin 'mizani' na cewa gwamnatin Shugaba Muhammadu Buhari ta gaza.

Kara karanta wannan

Rikicin Atiku da Wike: Jam'iyyar PDP ta dage zaman NEC saboda ta'azzarar rikicin gida

Keyamo ya yi wannan jawabin ne a hirar da aka yi da shi a Channels Television a ranar Juma'a, The Cable ta rahoto.

A cikin yan makonnin baya-bayan nan, munanan hare-hare sun karu a sassan kasar har da babban birnin tarayya, Abuja.

Asali: Legit.ng