Sokoto: Ƴan Bindigan da Suka Yi Garkuwa da Ɗaliban Makarantar Alƙur'ani Sun Turo Saƙo Mara Daɗi
- Miyagun ƴan bindigan da suka yi garkuwa da almajirai a jihar Sakkato sun kira wayar malamin tsangaya ranar Talata
- Malamin makarantar, Liman Abubakar, ya ce maharan sun nemi a tattara masu Naira miliyan 20 a matsayin kuɗin fansa
- Wannan na zuwa ne kwanaki uku bayan ƴan bindiga sun sace almajirai 16 a garin Gidan Bakuso, ƙaramar hukumar Gada
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Ahmad Yusuf, kwararren edita ne a Legit Hausa da ya shafe tsawon shekaru yana kawo muku rahotannin siyasa, nishadi da al'amuran yau da kullum
Jihar Sokoto - ‘Yan bindigan da suka sace almajirai 16 a makarantar koyar da karatun Alkur’ani a jihar Sokoto sun bukaci a biya su kudin fansa Naira miliyan 20.
Shugaban makarantar wadda aka fi sani da Tsangaya, Liman Abubakar, ne ya bayyana hakan ga wakilin jaridar Daily Trust a ranar Talata, 12 ga watan Maris.
Asali: Twitter
Malamin ya ce masu garkuwan sun kira shi sau biyu da safiyar nan kuma sun tambaye shi kan ko bai damu da almajiransa bane, sannan suka faɗi buƙatarsu.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Me ƴan bindigan suka buƙata?
"Sun kira ni ta wayar tarho sau biyu yau da safe (ranar Talata da safiya). A kiran farko sun tambaye ni ko ban damu da halin da almajirai na ke ciki ba ne shiyasa ban neme su ba.
"Na faɗa musu bani da lambar wayarsu, daga nan sai suka faɗa mani na saurari kira na biyu da ƙarfe 11:00 na safe.
Bayan karfe 11:00 ta gota sai suka kira ni suka umarci na je wurin magajin gari na faɗa masa a tara masu N20m."
"Na so in roƙi su rage kuɗin amma suka ce ba za su rage komai daga kudin ba. Na tashi na je wurin magajin gari muka tattauna kan batun amma har yanzu ba mu kai ga cimma matsaya ba."
- Liman Abubakar.
Yadda aka yu garkuwa da almajirai a Sokoto
Ƴan bindiga sun sace almajiran ne a kauyen Gidan Bakuso da ke karamar hukumar Gada a ranar Asabar din da ta gabata, The Cable ta rahoto.
Rahoto ya nuna maharan sun tafi da almajiran ne a lokacin da suke ƙoƙarin guduwa zuwa dakunansu domin gujewa harin da aka kai garin.
Ƴan bindiga sun kai hari UNTH
A wani rahoton na daban Ƴan bindiga sun kai farmaki asibitin koyarwa na jami'ar tarayya ta UNTH a jihar Enugu da ke Kudu maso gabashin Najeriya.
Wasu majiyoyi daga asibitin sun bayyana cewa maharan sun yi awon gaba da mataimakiyar darakta da kuma jami'in tsaro ɗaya.
Asali: Legit.ng
