Allah Ya Karbi Rayuwar Bello Maitama Bayan Fama Da Gajeriyar Jinya A Kano

Allah Ya Karbi Rayuwar Bello Maitama Bayan Fama Da Gajeriyar Jinya A Kano

  • Tsohon ministan wasanni da matasa Dakta Bello Maitama Yusuf ya rasu a yau a Kano
  • Marigayin wanda ya rike mukamai da dama a kasar ya rasu ne a gidansa da ke jihar Kano
  • An bayyana marigayin, Sardaunan Dutse a matsayin mutum mai taimako wanda ya taba rayuwar mutane da dama

Jihar Jigawa - Tsohon ministan matasa da wasanni, Alhaji Dakta Bello Maitama Yusuf ya riga mu gidan gaskiya.

Dakta Bello ya rasu ne a gidansa da ke Kano a yau Juma'a 13 ga watan Oktoba bayan fama da jinya.

Dakta Bello Maitama ya riga mu gidan gaskiya a Kano
Allah Ya Karbi Rayuwar Bello Maitama. Hoto: Facebook.
Asali: Facebook

Yaushe marigayi Dakta Bello ya rasu a Kano?

Marigayin ya rike mukamai daban-daban a Najeriya da su ka hada da ministan kasuwanci da ministan cikin gida kuma tsohon Sanata.

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Kara karanta wannan

An Kama Dan Kasuwa a Kano Kan Hada Baki Da Wasu Mutane 2 Don Yi Wa Abokinsa Fashi

Sanata Bello Maitama ya rasu ne bayan ya sha fama da jinya na kankanin lokaci, kamar yadda Leadership Hausa ta tattaro.

Marigayin ya rasu ya na da shekaru 76 a duniya inda ya bar mata da yara 10 da su ka hada da maza biyar da mata biyar.

Wane ne marigayi Dakta Bello da ya rasu a Kano?

Bello ya kasance kwararren lauya ne wanda ya rike mukamin minista a Jamhuriya ta biyu.

Har ila yau, marigayin ya yi sanata a Jamhuriya ta hudu wanda ya ba da gudunmawa sosai a bangaren inganta rayuwar al'umma.

An sanar da lokacin sallar jana'izarshi wanda za a yi a fadar Sarkin Kano da zarar an idar da sallar Juma'a, cewar Leadership.

Wannan na zuwa ne bayan rasuwar wani dan majalisar Tarayya mai ci a jihar Sokoto.

Marigayi Abdulkadir Jelani Danbuga ya rasu bayan fama da jinya na kankanin lokaci wanda ya kwantar da shi a gadon asibiti.

Kara karanta wannan

Yan Sanda Sun Kama Matashi Dan Shekaru 19 Da Ya Binne Kaninsa Da Rai a Wata Jihar Arewa

Jelani ya rasu ne a Abuja a ranar Laraba 11 ga watan Oktoba wanda ya jawo dage zaman majalisar a ranar.

Shahararriyar jarumar Kannywood ta riga mu gidan gaskiya

A wani labarin, sharararriyar jarumar fina-finan Kannywood, Hajiya Binta Ola ta rasu bayan fama da jinya.

Marigayar ta rasu ne a gidanta dake Sabuwar Unguwa Kofar Kaura da ke cikin jihar Katsina.

Rahotanni sun tabbatar cewa, Ola ta gama shirya bikin Maulidi kenan a safiyar ranar inda ta rasu da dare kafin wayewar gari.

Asali: Legit.ng

Authors:
Abdullahi Abubakar avatar

Abdullahi Abubakar (Hausa editor) Marubuci kuma kwararren ɗan jaridan da ya shafe shekaru 3 yana rubutu a fannin siyasa da harkokin yau da kullum. Ya kammala digirin farko a jami'ar Maiduguri. Ya samu horon aikin jarida a Reuters da AFP, ya sha halartar tarukan karawa juna sani game da bincike da adabi. Tuntube shi a abdullahi.abubakar@corp.legit.ng.

Online view pixel