Hawaye, Alhini Yayin Da Dan Majalisar Jihar Kogi Ya Rasu Bayan Zabe

Majalisar jihar Kogi ta rasa daya cikin manyan mambobinta.

Mamban wanda ke wakiltar mazabar Yagba a majalisar jihar, Jimoh Omiata, ya rasu.

A cewar rahoton da The Punch ta wallafa, Omiata ya rasu ne a safitar ranar Laraba, 27 ga watan Fabrairu a wani asibiti da ke Legas inda ya ke jinyar wata rashin lafiya da ba a bayyana ba.

Karin bayani dangane da rasuwar Omiata sun bayyana

Babban sakataren watsa labarai na majalisar jihar Kogi, Femi Olugbemi, ya tabbatar da hakan cikin wata sanarwa da ya wallafa a shafinsa na Facebook.

Ya rubuta:

"Abin bakin ciki, mun rasa jajirtacce, kuma dan majalisa mai karfin fada a ji, Honarabul Musa Jimoh Omiata, ina mika sakon ta'aziyya ga iyalansa, sarakunan gargajiya da mutanen mazabar Yagba East, Allah ya jikansa da rahama."

Kara karanta wannan

Yanzun nan: Wakilin PDP ya yanki jiki ya fadi a wurin kirga kuri'a wata jihar Arewa

Omiata, wanda ya fito daga garin Igbagun a karamar hukumar Yagba, dan majalisa ne wanda ya yi wa'adi biyu; kuma mutum na farko da ya taba yin tazarce daga yankinsa.

Karin bayani na nan tafe ...

Asali: Legit.ng