Wata Tsaleliyar Budurwa Yar Kasar Indiya Za Ta Auri Kanta, An Kammala Tsare Biki

Wata Tsaleliyar Budurwa Yar Kasar Indiya Za Ta Auri Kanta, An Kammala Tsare Biki

  • Wata budurwa, Kshamu Bindu, daliba kuma marubuciya yar shekara 24 ta shirya tsaf domin auren kanta a kasar Indiya.
  • Tuni dai an kammala tsara yadda biki zai kasance har ma da garin da za ta tafi hutun masoya wato 'honey moon' ita kadai bayan daurin auren
  • Wannan sabon al'adda inda mutum ke auren kansa da ake kira 'Sologamy' ya fara bazuwa ne a kasashen yamma a baya-bayan nan amma yanzu ya isa Indiya

Indiya - Miss Kshamu Bindu, wata matar yar kasar Indiya tana shirin auren kanta a wani biki na gargajiya da za a yi a ranar 11 ga watan Yunin 2022 a wani wurin bauta da ke birnin Vadodara, a yammacin Gujarat, rahoton Leadership.

Kara karanta wannan

Gwamna Bagudu ya bayyana dan takarar da za a kaddamar a matsayin wanda ya lashe zaben fidda gwanin APC

Sanye da kayanta na amare, da lalle na zamani wato henna a hannunta da hoda a kanta, amaryar za ta yi zagaye wuta sau bakwai kamar yadda aka saba a auren al'adarsu.

Wata Tsaleliyar Budurwa Yar Kasar Indiya Za Ta Auri Kanta, An Kammala Tsare Biki
Tsaleliyar Budurwa Yar Kasar Indiya Za Ta Auri Kanta, An Kammala Tsare Biki. Hoto: @BBCNews.
Asali: Twitter

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

Za a yi al'adu da aka saba yi kafin aure kamar Haldi (inda ake shafa wa amarya kurkur hade da mai) da sangeet (waka da rawa) a safiyar ranar auren.

Bindu za ta tafi Honey Moon ita kadai bayan daurin aure

Bayan auren za ta tafi hutun masoya wato Honey Moon a Goa inda za ta yi makonni biyu.

Abin da kawai babu a bikin shine ango. Don Miss Bandu tana shirin auren kan ne, wannan shine karo na farko da mace za ta fara auren kanta a Indiya.

"Mutane da dama suna kira na suna fada min cewa ni son kowa ne kin wanda ya rasa," a cewar daliba yar shekaru 24 mai karanta Sociology kuma marabuciya, ta kara da cewa, "Ina fada musu, na yi sa'an auren kai na."

Kara karanta wannan

Yanzu nan: Masu neman kujerar shugaban kasa a APC sun ragu, an bar mutum 2 kacal

Bayan na auri kai na, zan cigaba da rayuwa ina kaunar kai na da kulawa da kai na a cewar Miss Bindu.

'Sologamy' bikin aure da aka yi inda mutum zai auri kansa, wani lamari ne da ke bazuwa a kasashen yamma cikin yan shekarun nan amma yanzu ya iso Indiya.

Ina Buƙatar Mijin Aure Cikin Gaggawa, In Ji Jarumar Fina-Finai Ta Najeriya

A wani rahoton, gogaggiyar jarumar fina-fina ta Nollywood a Najeriya wacce aka dade ana damawa da ita, Eucharia Anunobi, ta ce neman mijin aure ta ke yi cikin gaggawa, Daily Trust ta ruwaito.

A wata tattaunawa da BBC Ibo ta yi da ita, ta ce tana neman namijin da zai sanya mata zoben aure a yatsan ta.

Jarumar mai shekaru 56 ta ce tana fatan samun cikakken namiji, wanda ya ke da duk abinda mace ta ke nema a wurin mijin aure.

Kara karanta wannan

Da duminsa: EFCC suna "aikin sirri" a filin zaben fidda gwani na APC, Majiya ta tabbatar

Asali: Legit.ng

Online view pixel