Labari mai zafi: Gwamnati ta buga sabon lissafi, za a koma saida litar man fetur a kan N212

- PPPRA ta fitar da kudin da ake kashewa wurin shigo da mai Najeriya

- Hukumar ta tabbatar da cewa litar man fetur ya na tashi a kan N212.1

- Idan ba a dawo da tallafin fetur ba, farashi zai tashi sosai a gidajen mai

Hukumar PPPRA mai alhakin tsaida farashin kayan arzikin mai a Najeriya, ta tsaida farashin litar PMS wanda aka fi sani da man fetur a kan N212.11.

Jaridar Daily Trust ta rahoto cewa an yi wannan karin kudi ne a ranar 12 ga watan Maris, 2021.

PPPRA ta bada wannan sanarwa ne a jeringiyar farashin kayan mai da ta fitar a wannan watan na Maris. An yi lissafin ne a kan yadda ake shigo da kaya.

Ma’ikatar NPA mai kula da tasoshin ruwa ta na karbar N2.49 a kan kowane lita, bayan haka NIMASA mai lura da hanyoyin ruwan kasar ta na cin N0.23.

Kara karanta wannan

Wasu Shugabannin PDP na Neman Tada Rikici, Sun ce An Ware Su a Yakin Zaben Atiku

KU KARANTA: Gwamnatin Buhari za ta rage kudin litar man fetur zuwa N100

Ana kuma karbar N1.61 a matsayin ladar ajiyan gangunan mai, bayan N2.17 da ake karba a matsayin haraji na kowace litar man fetur da ta shigo kasar.

Idan aka yi lissafi, kowace litar fetur da aka tace, za ta tashi a kan N189.61 kafin ta iso kasar nan.

PPPRA ta tsaida kudin sari a kan N4.03, gwamnati za ta karbi N1.23 a matsayin gudunar wa, sai kuma kudin dako watau na jigilar man fetur ya tashi a N3.89.

Akwai sauran kudi kamar na MTA da na karaso da mai da za a rika karbar kusan N8 a kan kowace litar man fetur kamar dai yadda hukumar PPPRA ta sanar.

KU KARANTA: NNPC ta rage wa dillalan kudin man fetur a Najeriya

Kara karanta wannan

Da Duminsa: Gwamnati Ta Tanadi N470bn Don Karawa Malaman Jami'a Albashi Da Gyara Jami'a

Wannan sauya-sauye da aka samu ya na nufin cewa litar fetur zai kara kudi a gidan mai. Idan aka tara duka wadannan kudi, za a saida fetur a gidan mai a kan N212.

Tun kwanaki kun ji labari cewa danyen mai ya tashi a kasuwa, shiyasa aka fara tunanin cewa farashin litar man fetur zai iya kai wa tsakanin N185-N200 a Najeriya.

‘Yan kasuwa sun bayyana cewa a yadda kasuwar Duniya ta ke a yanzu, ya kamata farashin PMS watau man fetur ya tashi, idan ba dai za a sake shigo da tsarin tallafi ba.

A karshen Disamban 202, ana saida danyen man ‘Brent’ a kan $51.22, kuma gwamnati ta yi ragin N5 a kan lita. Kawo yanzu gangar danyen man mu na gida ya kai $70.

M. Malumfashi ma'aikacin jaridar Legit.ng ne wanda ya shafe kusan shekaru 5 ya na wannan aiki. Ya yi Digirin farko a ilmin komfuta da Digirgir a harkar bayanai, kuma ya na Digirgir a ilmin aikin jarida.

Kara karanta wannan

Sanusi II ya fadi abin da ya kamata a yi don habaka kudin shigan man fetur a Najeriya

Malumfashi ya kan buga labarai, ya yi rubuce-rubuce a harkar siyasa, wasanni da addini. Ya yi rubuce-rubuce barkatai a gidajen jaridun Najeriya.

A bibiye shi a Twitter @m_malumfashi

Asali: Legit.ng