2019: Takardun karatu na suna wajen Hukumar Sojin Najeriya - Al-Mustapha ya fadawa INEC
- Dan takarar shugabancin kasa na PPN, Hamza Al-Mustapha shima ya gaza gabatar da takardun karatunsa ga INEC
- Kamar shugaba Buhari, Al-Mustapha shima ya ce takardun karatunsa na wajen Hukumar Sojin Najeriya
- Al-Mustapha ya bayyana cewar kotu ta umurci Hukumar Sojin ta mayar masa da takardun amma har yanzu ba ta mayar masa ba
Hamza Al-Mustapha, dan takarar shugabancin kasa na jam'iyyar Peoples Party of Nigeria (PPN) shima ya bayyana cewar takardun karatunsa suna wajen Hukumar Sojin Najeriya a yayin da ya mika fom din takararsa ga hukumar zabe mai zaman kanta (INEC).
Dokar ya bukkaci dukkan masu tsayawa takarar kujeru a Najeriya su mika dukkan takardunsu na ga hukumar INEC cikin har da na karatu.
Asali: UGC
Sai dai Al-Mustapha, Manjo mai murabus ya fadawa INEC cewar takardun karatunsa na wajen hukumar sojin Najeriya.
DUBA WANNAN: Karshen duniya: An kama shi turmi da tabarya da matar mahaifin sa
A yayin da ya ke mika sauran takardunsa, Al-Mustapha ya yi ikirarin cewar Hukumar Sojin Najeriya ta ki mika takardun karatunsa ga Hukumar INEC duk da cewar kotu ta umurci suyi hakan.
Al-Mustpha ya ce gwamnati ta kwashe shekaru 15 tana bincike a kansa amma daga baya kotun daukaka kara da wanke shi daga zargin da ake masa a ranar 12 na Yulin 2013.
"Gwamnati ta kwashe dukkan takardu na har ma da lambobin yabo da na samu a shekarar 1998.
"Na shigar da kara a babban kotun Legas a shekarar 2000 zuwa 2001 da kuma kotun tarayya da ke Legas a 2004 zuwa 2007 amma gwamnati ta ki biyaya ga umurnin kotu. inji Al-Mustapha.
Shima shugaba Muhammadu Buhari ya bayyana cewar Hukumar Sojin Najeriya ce ta rike masa takardun karatunsa.
Latsa wannan domin samun sabuwar manhajar labarai ta NAIJ.com Hausa a wayar ku ta hannu: https://play.google.com/store/apps/details?id=com.naij.hausa&hl=en
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
