NFF Ta Nada 'Dan Arewa a Matsayin Sabon Mai Horar da Tawagar Golden Eaglets Ta Nijeriya

• A ranar Juma’a ne tawagar Golden Eaglets ta samu sabon koci, Manu Garba wanda ya jagoranci tawagarsa ta lashe kofin duniya na 2013
• Wani bangare na aikin da ke jiran Garba shi ne shirya tawagar wajen buga gasar WAFU B ta 'yan kasa da shekara 17, da za a gudanar a Ghana
• Garba wanda ya fito daga Arewa ya horar da manyan ‘yan wasan Najeriya kamar Kelechi Iheanacho, Taiwo Awoniyi, Isaac Success

Hukumar kwallon kafa ta Najeriya (NFF) ta nada tsohon zakaran gasar cin kofin duniya na ‘yan kasa da shekaru 17, Manu Garba, a matsayin kocin kungiyar Golden Eaglets.

'Yan wasan da Garba ya horar

Wani dan jarida mai daukar hoto na FIFA da CAF, Adepoju Tobi Samuel ne ya bayyana nadin Garba a shafinsa na X a ranar Juma'a, 12 ga Afrilu.

Kara karanta wannan

'Yan Najeriya sun yi martani kan lafta masu haraji a wani titin jihar Legas da Calabar

A lokacin gasar cin kofin duniya na 'yan kasa da shekaru 17 na shekarar 2013 a hadaddiyar daular Larabawa, Garba ya jagoranci 'yan wasan Golden Eaglets da suka lashe kofin.

Daga cikin 'yan wasan da suka saka burin Garba a lokacin ya zama gaskiya akwai Kelechi Iheanacho, Taiwo Awoniyi, Isaac Success, Musa Mohammed, Chidiebere Nwakali da Dele Alampasu.

Golden Eaglets ta daga kofin 2013

Tawagar ce ta kare a matsayi na biyu a gasar cin kofin Afrika na 'yan kasa da shekaru 17 da aka yi a Morocco bayan da Cote d'Ivoire ta doke su a bugun daga kai sai mai tsaron gida.

Sai dai kungiyar ta lallasa Mexico da ci 6-1 a wasansu na farko, inda suka yi kunnen doki (3-3) da Sweden, sannan ta lallasa Iraki da ci 5-0.

Kara karanta wannan

Yayin da ya fara fitar da mai, Dangote ya samo mafita kan tsadar kayayyaki a Najeriya

A zagaye na 16, ta lallasa Iran da 4-1, ta ture Uruguay da 2-0 a wasan daf da na kusa da na karshe sannan ta lallasa Sweden da ci 3-0 a wasan kusa da na karshe, kafin daga bisani ta lallasa Mexico da maki daya a wasan karshe don daga gasar.

Ana sa ran Garba zai jagoranci shirye-shiryen kungiyar na gasar WAFU B ta 'yan kasa da shekaru 17, da zai gudana a Ghana.

Ronaldo ya taya Musulmi murnar Sallah

A wani labarin, Legit Hausa ta rahoto Cristiano Ronaldo ya taya Musulmi murnar karamar Sallah, tare da yi masu fatan alkairi.

Ronaldo ya wallafa sakon barka da Sallah ne a shafinsa na X watau Twitter a ranar Laraba, yana sanye da fararen tufafin larabawa.

Asali: Legit.ng