Wasanni

Da Dumi-Dumi: Jarumin Kannywood ya musanta rahoton cewa ya mutu

Lahadi, Nuwamba 21, 2021 at 5:39 Yamma daga Ahmad Yusuf

Jarumi Sani Garba SK na masana'antar shirya fina-finan Hausa Kannywood, ya musanta rahoton da ake yaɗawa cewa ya mutu
Jarumin yace bai mutu ba yana nan a raye, amma idan lokacinsa ya yi zai mutu domin kowane rai mamaci ne wata rana
A makon da ya gabata ne, Rahoton mutuwar shahararren Jarumin mai wasan barkwanci ya karaɗe kafafen sada zumunta

KALLIN NAN: Legit.ng ta fara wata gwagwarmayan taimakawa yara marasa galihu a Calabar - Kayi musharaka a wannan shirin na Patreon, mu hada kai wajen canza rayukan mutane!

Kano - Jarumin masana'antar shirya fina-finan Hausa Kannywood, Sani Garba, ya musanta jita-jitar da ake yaɗa wa cewa ya mutu a kafafen sada zumunta.

A makon da ya gabata ne akai ta yaɗa jita-jitar cewa shahararren jarumin mai wasan barkwanci ya kwanta dama musamman a kafafen sada zumunta.

Sai dai a wani sakon bidiyo da jarumin ya yi, kuma abokin aikinsa a masana'antar Kannywood Abba Almustapa, ya saki a Instagram, Garba yace yana nan da ransa bai mutu ba.

Kara karanta wannan

Daliba a jami'ar Umaru Yar’adua ta sha piya-piya don saurayinta ya rabu da ita, an kaita asibiti

Sani Garba — Da Dumi-Dumi: Jarumin Kannywood ya musanta rahoton cewa ya mutu Hoto: premiumtimesng.com
Asali: UGC

Yace:

DUBA: Saukar da sabuwar manhajarmu ga masu amfani da Android, karanta labarai da duminsu a manhajar kafar labarai ta #1 a Najeriya

"Ga ni kuna gani a gabanku, ban mutu ba ina nan a raye, amma idan lokaci na ya yi zan mutu, ba sai kun yayata cewa na mutu ba."

"Ina nan ban mutu ba amma idan lokacina ya yi dole zan mutu, kuma ina amfani da wannan dama wajen mika godiya ta ga masana'antar Kannywood baki ɗaya bisa ɗawainiya da ni."

"Ina mika godiya ta ga baki ɗaya mutanen dake Kannywood, sun kasance masu taimaka mun da kuɗi da kuma duk abinda ya dace."

Shin jarumin ba shi da lafiya ne?

Jarumin, wanda ke fama da ciwan Suga, ya bayyana cewa yana samun sauki kuma yana cigaba da ganin likita kamar yadda aka umarce shi.

Garba SK na ɗaya daga cikin jaruman Kannywood masu barkwanci, waɗan da suka jima suna fitowa a fina-finai, kuma a wani lokacin ya fitowa ne a matsayin Uba.

Kara karanta wannan

Ni da mahaifiyata muna kallo lokacin da aka zare ran kanina amma babu yadda muka iya - Dangote

A wani labarin kuma Batun Jaruma Rahama Sadau da wasu sabbin muhimman abubuwa 4 da suka faru a Kannywood

A wannan makon an samu wasu muhimman abubuwa guda 5 masu muhimmanci da suka faru a Kannywood.

Daga cininsu shine batun raɗin sunan jaririyar da aka haifa wa Adam Zamgo, da kuma abinda ya shafi Rahama Sadau.

Asali: Legit.ng

Tags:

Dandalin Kannywood