An Sha Shagalin Bikin Dan Majalisar Kaduna, Bello El-Rufai Da Tsaleliyar Amaryarsa, Hotunan Sun Dauki Hankali

• Watanni bayan daurin aurensu, an sha shagalin bikin Bello El-Rufai da kyakkyawar amaryarsa Aisha Shu'aibu
• Bello ya kasance dan majalisa mai wakiltan mazabar Kaduna ta arewa kuma dan tsohon gwamnan jihar Kaduna, Nasir El-Rufai
• Hotuna sun bayyana daga kasaitaccen bikin da aka yi a ranar Asabar, 12 ga watan Agusta wanda ya samu halartan manya ciki harda Gwamna Uba Sani

Jihar Kaduna - An sha shagalin bikin Bello El-Rufai, dan tsohon gwamnan jihar Kaduna kuma dan majalisa mai wakiltan mazabar Kaduna ta arewa a majalisar wakilai.

A watan Mayun shekarar nan ne aka daura auren Bello da amaryarsa Aisha Shuaibu a wani biki da aka yi cikin sirri a Abuja.

Aisha ta kasance diya ga tsohon shugaban mulkin soja na jihohin Filato da Neja, Kanal Habibu.

Kara karanta wannan

Kujerar Minista: Uba Sani Ya Magantu Kan Zargin Yi Wa El-Rufai Tuggu a Wurin Tinubu

Ku tuna cewa Bello ya auri matarsa ta farko Kamilah a shekarar 2015.

Kamilah ta kasance yar kanwar matar tsohon shugaban kasar Najeriya, Maryam Babangida, jaridar Punch ta rahoto.

Gwamna Uba Sani ya taya ma'auratan murna

Da yake taya ma'auratan murna a cikin wata wallafa da ya yi a shafinsa na Twitter, gwamnan jihar Kaduna, Sanata Uba Sani ya yi masu fatan samun farin ciki a gidan aurensu.

Uba Sani shine ya tsaya a matsayin uban angon a wajen taron, kuma Bello ya kasance tsohon hadiminsa.

Ya rubuta a shafin nasa:

"A ranar Asabar, 12 ga watan Agusta, 2023, na samu damar tsayawa a matsayin uban ango a wajen daurin auren tsohon babban mai taimaka min a majalisar dokoki, kuma dan majalisar wakilai (Mazabar Kaduna ta Arewa), Hon. Bello El-Rufai da kyakkyawar matarsa, Aisha Shuaibu.

Kara karanta wannan

WAIWAYE: ‘Na Fi So Na Ba Tinubu Gudunmawa Daga Waje’, El-Rufai Ya Magantu Kan Mukamin Minista

"Ina musu fatan Alheri, kuma ina musu addu'ar Allah ya sanya ma aurensu albarka. Ameen"

Jama'a sun yi masu fatan alkhairi

@Mubescent ta yi martani:

"Ina yi musu fatan alkhairi a rayuwar aure."

@NasirShika ya ce:

"Masha Allah. Allah yasa Albarka."

@Funkemyfun ta ce:

"Ina taya ka murna Hon Bello."

@MansurYahaaya ya yi martani

"Allah ya bada zaman lafiya."

@usman_mai kyau ya ce

Ina taya ku murna. Allah ya albakaci gidanku."

@miibrahimhja ya ce:

"Masha allah,allah yasanya albarka."

@maimuna9523 ta ce:

"MashaAllah; Allah ya basu zaman lafiya."

Yadda hadadden likita ya rikirkita yan mata a intanet

A wani labarin kuma, wani hadadden likita ya saki zafafan hotunansa yana bakin aiki a soshiyal midiya.

Kyawun fuska da surar da Allah ya yi wa likitan ya rikirkita yan mata inda suka nuna sha'awar son mallakarsa.

Asali: Legit.ng