A Kokarin Tserewa Sojoji Mai Garkuwa Da Mutane Ya Sheka Barzahu a Jihar Bauchi

• Wani ɓata-gari ya sheƙa barzahu bayan ya yi ƙoƙarin tsere wa dakarun sojoji da ke a wajen shingen bincike a jihar Bauchi
• Ɓata-garin dai ya yanke jiki ya faɗi ne inda ya ce ga garin ku nan bayan ya yi ƙoƙarin tsere wa dakarun sojojin
• Dakarun sojojin sun kuma cafke wasu masu garkuwa da mutane da suka sace ɗalibar jami'ar tare da motarta inda suka ceto ta

Jihar Bauchi - Wani da ake kyautata zaton mai garkuwa da mutane ya gami da ajalinsa lokacin da yake ƙoƙarin tsere wa dakarun sojoji a jihar Bauchi.

Jaridar Aminiya ta kawo rahoto cew wanda ake zargin ya yanke jiki ya faɗi inda ya mutu nan ta ke a yunurin sa na tserewa sojojin.

Ɓata garin dai ya mutu ne bayan ya yi ƙoƙarin kauce wa wani shinen bincike na dakarun sojojin na ta 133 da ke a ƙaramar hukumar Azare cikin jihar Bauchi.

Kara karanta wannan

Innalillahi: Hawaye Sun Kwaranya Yayin Da Jirgin Ruwa Dauke Da Mutane Da Dama Ya Kife a Jihar Kwara, Rayuka Da Dama Sun Salwanta

Sojoji sun cafke masu garkuwa da mutane

Haka kuma, sojojin sun yi caraf da wasu ɓata-gari mutum shiga waɗanda ake zargin masu aikata laifin garkuwa da mutane ne inda aka damƙa su a hannun jami'an ƴan sanda.

SP Ahmed Wakili, kakakin rundunar ƴan sandan jihar, ya tabbatar da kama masu garkuwa da mutanen a cikin wata sanarwa da ya fitar ranar Talata.

Kakakin ya bayyana cewa binciken farko-farko ya nuna cewa ɓata-garin sun yi awon gaba ne da wata ɗalibar jami'ar jihar Bauchi da ke a Gadau.

Ɓata-garin sun sace dalibar wacce ke zaune a unguwar Federal Low Cost cikin garin Azare, tare da motarta kirar Toyota Camry.

A cewar kakakin sojojin da ke aiki a shingen binciken sun tare waɗanda ake zargin bayan sun samu rahoto kan lamarin, inda suma ƙwace motar da ceto ɗalibar da aka sace ba tare da ta sami ko ƙwarzane a jikinta ba.

Kara karanta wannan

Gwamna Radda Ya Kwace Filayen da Gwamnatin Masari Ta Raba Wa Mutane a Katsina, Ya Faɗi Dalili

'Yan Daba Sun Sari Dalibi a Jihar Bauchi

A wani rahoton na daban kuma, wasu ƴan daba sun sari wani ɗalibin jami'ar Sa'adu Zungur da ke a Gadau, a jihar Bauchi da wuƙa.

Gardamar ƙwallo ce ta ɓarke a tsakaninsu wacce ta janyo aƙa aikata wannan mummunan ɗanyen aikin. An sari ɗalibin ne a wuyan hannunsa inda ya samu mummunan rauni.

Asali: Legit.ng