Sarkin Bashar, Dan Uwan Mataimakin Shugaban Majalisar Tarayya Ya Rasu

Sarkin Bashar, Dan Uwan Mataimakin Shugaban Majalisar Tarayya Ya Rasu

  • Yayan mataimakin kakakin majalisar dokokin tarayya, Hon Ahmed Idris, Wase, watau Alhaji Adamu Idris ya rasu
  • A wata sanarwa da sakataren watsa labaransa ya fitar, yace marigayin wanda shi ne Sarkin Bashar a Jos, ya rasu ne yana da shekaru 96
  • Sanarwan ta ƙara da cewa za'a yi wa mamacin jana'iza kamar yadda Addinin Musulunci yau tanadar yu Lahadi

Jos, Plateau - Mataimakin shugaban majalisar wakilan tarayya, Ahmed Idris Wase, ya yi rashin ɗan uwansa, Alhaji Adamu Idris.

Jaridar Daily Trust ta ruwaito cewa hakan na ƙunshe ne a wata sanarwa da Sakataren watsa labarai na ɗan majalisar, Umar Muhammad Puma, ya fitar ranar Lahadi.

Mataimakin shugaban majalisar wakilan tarayya, Ahemd Idris Wase.
Sarkin Bashar, Dan Uwan Mataimakin Shugaban Majalisar Tarayya Ya Rasu Hoto: dailytrust
Asali: Twitter

A cewar Sanarwar, Marigayin ya kwanta dama ne yau Lahadi, 25 ga watan Satumba, 2022 a Jos, babban birnin jihar Filato, yana ɗan shekara 96 a duniya.

Kara karanta wannan

Dailin Da Yasa Na Yi Shiru Game da Rikicin Atiku da Gwamna Wike, Saraki Ya Magantu

Sanarwan ta ce:

DUBA: Bibiyemu a Instagram don samun labarai masu muhimmanci kai tsaye cikin manhajar

"Cikin yanayin baƙin ciki da takaici muke sanar da rasuwar Sarkin Bashar, Alhaji Adamu Idris; babban yaya ga mataimakin kakakin majalisar wakilai ta ƙasa, Rt. Hon. Ahmed Idris Wase."
"Ya riga mu gidan gaskiya a Jos a awannin farko na yau (Lahadi 25 ga watan Satumba, 2022) yana da shekaru 96 a duniya."
"Ya rasu ya bar mata huɗu da 'ya'ya da jikoki da dama. Za'a masa Jana'iza yau a garin Bashar da ke jihar Filato kamar yadda addinin Musulunci ya tanada."

Wani Matashi ya mutu a wurin bikin karin shekara

A wani labarin kuma Wani Matashi Dan Shekara 21 Ya Mutu a Wurin Shagalin Bikin Karin Shekara a jihar Legas

Wani matashi ɗan shekara 21 a duniya, Micheal Arigbabuwo, ya rasa rayuwarsa a wurin shagalin bikin murnar zagayowar ranar haihuwa bayan haɗa manyan miyagun kwayoyi da suka sha ƙarfinsa.

Kara karanta wannan

Yanzu-Yanzu: Bayan Tona Asirin Wasu Jiga-Jigan PDP, Gwamna Wike Ya Yi Sabuwar Tafiya

Mai magana da yawun rundunar yan sanda reshen jihar Legas, SP Benjamin Hundeyin, shi ne ya tabbatar da haka a shafinsa na Tuwita ranar Lahadi.

Asali: Legit.ng

Online view pixel