Bidiyon Cikin Katafaren Gidan Matashi Dan Shekaru 15, Ya Ce Mawaki Davido Ba Zai Iya Siyan Irinsa Ba

• Wani matashin yaro ya haddasa cece-kuce a shafukan soshiyal midiya bayan ya baje kolin wani gida da yace mallakinsa ne
• Dan Najeriyan ya rubuta cewa shekarunsa 15 kuma yana rayuwa a inda mawaki Davido ba zai iya siya ba
• Hakan bai yiwa masoyan Davido dadi ba inda suka caccake shi a sashin sharhi tare da kushe gidan

Abuja - Wani matashi dan shekara 15 ya haddasa cece-kuce a shafukan soshiyal midiya bayan ya nuna katafaren gidansa cike da tunkaho.

Matashin da ke ikirarin yafi kowa kyau a Abuja ya je shafinsa na TikTok don wallafa bidiyonsa yana zagaye tare da nuna tsaruwan cikin gidan.

Ya yi shagube ga mawaki Davido. Rubutu da ya yi a jikin bidiyon da ya wallafa ya ce:

“Yaro dan shekara 15 da ke rayuwa a inda Davido ba zai taba iya siya ba.”

Kara karanta wannan

Ku Kama Mazajenku Da Kyau, Maza Tsada Suke A UK: Budurwa Da Ke Turai Ta Shawarci Yan Matan Najeriya

Hakan ya fusata masoyan Davido wadanda suka caccaki shi. Sun kuma kushe kyawun gidan.

Kalli bidiyon a kasa:

Jama’a sun yi martani

Pack-me ya ce:

“Wa ya fada maka cewa Davido ba zai iya siyansa ba???

“Na dai tayaka murnar wannan nasara taka.”

Regina Gold820 ta ce:

“Yana nufin Davido ba zai taba siyan irin wannan gidan ba faaaa ku dai ne baku fahimci abun da ya fada ba.”

Delly Nuel ta ce:

“Lol, an sanmu da mutunta na gaba damu a Najeriya Don haka kaima kayi haka dan Allah, hakan zai kara maka hankali ne kawai.”

Yan Uwansa Sun Cika Alkawari: Bidiyon Cikin Katafaren Gidan Dan Najeriya Mazaunin Dubai Ya Ja Hankali

A gefe guda, wani matashi dan Najeriya wanda ya dawo gida kwanan nan daga Dubai ya baje kolin cikin kuryar katafaren gidansa.

Kara karanta wannan

Neman Na Goro: Bidiyon Kyakkyawar Baturiya Tana Tallan Gyada A Titin Lagas Ya Yadu

Matashin dai yana ta turowa yan uwansa kudi domin su taimaka su gina masa gida yayin da shi kuma yake aiki tukuru a kasar Dubai.

Cikin sa’a, yan uwan nasa sun rike amana sannan basu yi almubazaranci da kudinsa ba, don ya dawo ya tarar da wani katafaren gida.

Asali: Legit.ng