Matar Da Ta Haifi Yan 4 Ta Wallafa Kyawawan Hotunan Lokacin Da Take Goyon Ciki
- Wata kyakkyawar mata da ke da yara hudu ta wallafa hotunanta don nuna girman cikinta a lokacin da take dauke da juna biyu
- Matashiyar uwar wacce ta haifi yan hudu ta hadu matuka a cikin hotunan lokacin da take goyon ciki
- Mabiya shafukan soshiyal midiya sun mato a kan kyawawan hotunan, mata da dama na fatan ina ma ace su haifi yan hudu
Najeriya - Hotunan girman cikin wata yar Najeriya mai dauke da juna biyu ya haifar da martani daga mutane a soshiyal midiya.
Yan shekaru da suka gabata, kyakkyawar matar ta haifi yara yan hudu wadanda aka sanyawa suna Camille, Casper, Carissa, da Casen.
Sunanta ya sha bayyana a kanen labarai bayan ta wallafa kyawawan bidiyoyin yaranta su hudu, kuma wasu mutane sun roki alfarmar ganin hotunta dauke da cikin yaran.
Asali: UGC
Yan awanni da suka gabata, ta wallafa wani hotonta na lokacin da take dauke da juna biyu, kuma hotunan sun sace zukata a yanar gizo.
DUBA: Bibiyemu a Instagram don samun labarai masu muhimmanci kai tsaye cikin manhajar
Masu amfani da TikTok sun yaba hotunan mahaifiyar yan hudun
@cindyama3 ta ce:
“Na hada kaina da wannan kyakkyawan kyauta.”
@babynanasmum ta ce:
“Wannan ya yi matukar kyau Allah ya albarkaci mijinki da ya tsaya da ita har zuwa yanzu.”
@akyuahberries ta ce:
“Na taya ki murna yar’uwa. Allah ya sadani da irin naki.”
@official_mss ta yi martani:
“Ina fatan samun wannan kyauta ta yan hudu, ta yaya hakan ya faru dan Allah.”
Bidiyon Yadda Lakcara Ta Taya Dalibarta Rainon Jinjirinta Yayin da Take Rubuta Jarrabawa
A wani labarin, wata lakcara da ke sanya idanu kan yadda ake gudanar da jarrabawa ta nuna karamci sosai bayan ta taya wata dalibarta da ke zana jarrabawa kula da jinjirinta.
A cikin wani bidiyo da ya yadu a soshiyal midiya, an gano lakcarar tana rainon jinjirin dalibar tata cikin yanayi mai ban tausayi.
A cikin dan gajeren bidiyon wanda aka daura a TikTok, an gano lackarar tana zagaye dakin jarrabawar dauke da jinjirin a hannunta.
Asali: Legit.ng
