Dalla-dalla: Adadin kudaden da jihohin Najeriya suka tara na harajin VAT a watanni 8 na 2021

• An tattara yawan harajin VAT da gwamnatin Najeriya ta tattaro daga jihohi 36 na kasar da babban birnin tarayya
• A rahoton da muka samo, an bayyana adadin kudin da kowace jiha ta tara a cikin watanni takwas na farkon 2021
• A baya dai an sha cece-kuce kan batutuwan da suka shafi kasafta harajin na VAT da jihohi ke tarawa da kansu

Najeriya - Daga watan Janairun bana zuwa Agusta, Najeriya ta tara harajin VAT da na biliyoyin Nairori daga dukkan jihohin kasar.

A rahoton da muka samo daga Daily Trust, an bayyana adadin kudaden da kowacce jiha ta kawo a cikin watannin takwas na farkon shearar 2021.

Duba da alkaluman tara harajin, jihar Legas da babban birnin tarayya Abuja ne suka fi kowacce jiha tara harajin na VAT a watannin.

Kara karanta wannan

Rikicin VAT: Kano kadai ta tara harajin VAT da ya fi na yankin kudu maso gabas a 2021

A cikin wannan rahoton, Legit.ng Hausa ta tattaro daga The Cable yawan kudaden VAT da kowacce jiha ta tara kamar haka:

1. Abiya - N2.25bn
2. Adamawa - N3.97bn
3. Akwa Ibom - N9.31bn
4. Anambra - N5.56bn
5. Bauchi - N5.44bn
6. Bayelsa - N13.22bn
7. Benue - N1.42bn
8. Borno - N3.08bn
9. Kuros Riba- N1.90bn
10. Delta - N13.48bn
11. Ebonyi - N7.21bn
12. Edo - N9.13bn
13. Ekiti - N6.2bn
14. Enugu - N5.19bn
15. Gombe - N4.44bn
16. Imo - N1.01bn
17. Jigawa - N3.05bn
18. Kaduna - N19.82bn
19. Kano - N24.41bn
20. Katsina - N4.64bn
21. Kebbi - N1.22bn
22. Kogi - N3.41bn
23. Kwara - N3.48bn
24. Legas - N421.20bn
25. Nasarawa - N2.49bn
26. Neja - N4.33bn
27. Ogun - N11.60bn
28. Ondo - N4.85bn
29. Osun - N2.07bn
30. Oyo - N61.05bn
31. Filato - N5.43bn
32. Ribas - N92.33bn
33. Sakkwato - N4.59bn
34. Taraba - N1.43bn
35. Yobe - N9.34bn
36. Zamfara - N762.55m
37. Babban birnin tarayya - 241.10bn

Kara karanta wannan

COVID-19: Gwamnatin Buhari ta kashe Naira Biliyan 9.9 a kan wanke hannu a 2021

Kano kadai ta tara harajin VAT da ya fi na yankin kudu maso gabas a 2021

A bangare guda, jihar Kano ta lallasa jihohin Kudu Maso Gabashin Najeriya guda biyar gaba dayansu wajen tara harajin VAT na watanni takwas na farkon shekarar nan ta 2021.

Wannan dai na zuwa ne biyo bayan cece-kucen da ake yi kan batun VAT, batutuwan da suka shafi shari'a da kuma tattaunawar siyasa tsakanin gwamnatin tarayya da wasu jihohi, musamman daga kudu.

Wani rahoto na musamman da Daily Trust ta samu ya nuna cewa, bayanan da aka samu na VAT daga Hukumar tara haraji ta FIRS, sun nuna cewa Kano ta tara N24.4b, fiye da kudaden da jihohi biyar suka tara na N20bn.

Asali: Legit.ng