Jami'an yan sanda sun damke matasan da suka lakadawa Mai SaharaReporter duka yau
- Ba tare da tanka musu ba, wasu matasa sun dira kan Omoyele Sowore
- Sowore wanda tsohon dan takaran kujeran shugaban kasa ne ya halarci taron gurfanar da Nnamdi Kanu ranar Alhamis
- Wannan ba shine karo na farko da ake kaiwa dan jaridan hari ba
Abuja - Bayan karar da yan jarida suka kai, Jami'an yan sanda sun damke matasan da suka yiwa mai kamfanin jaridar Sahara Reporters, Omoyele Sowore, ribiti.
Da farko jami'an tsaro sun yi shiru kan abin da ke faruwa. Yan daban bayan sun daki Sowore sun tafi ba tare da jami’an tsaro sun musu komai ba.
Daga baya yan jarida suka tsawatar kan hakan sannan yan sanda suka damke wasu matasa biyu, rahoton TheCable.
Asali: Facebook
Yadda mai SaharaReporters ya sha duka a hannun 'yan daba a harabar kotun Abuja
Yan daba ne sun kai hari ga mawallafin jaridar Sahara Reporters, Omoyele Sowore a babban kotun tarayya da ke Abuja ranar Alhamis 21 ga watan Oktoba.
Jami’an tsaro sun hana Sowore shiga kotun. Amma yayin da yake magana da jami'an tsaro, wasu yara maza kimanin 20, an lura sun iso wurin, The Nation ta ruwaito.
An lura da kasancewar su a cikin rudani saboda sun yi kama da 'yan neman rikici.
Nan da nan wadanda ake zargin 'yan daban ne suka sauka kan Sowore, suka mare shi tare da kumsa mashi naushi.
Kotu ta dage shari'ar Nnamdi Kanu, jami'an DSS sun iza keyarsa
Daga karshe, Jami'an tsaron farin kaya, DSS su sake iza keyar Nnamdi Kanu, shugaban 'yan awaren IPOB zuwa ma'adanarsu.
An gurfanar da Nnamdi Kanu a gaban wata babbar kotun tarayya da ke Abuja kan zargi bakwai da gwamnatin tarayya ke masa a ranar Alhamis, Daily Trust at ruwaito.
Kamar yadda TheCable ta wallafa, Kanu ya musanta zargin da ake masa da suka hada da cin amanar kasa da kuma ta'addanci.
Asali: Legit.ng
