Neman Tabarraki: Shugaban Hukumar Fina-Finai ta Najeriya, Ali Nuhu Ya Ziyarci Sarkin Kano

• Shugaban hukumar fina-finai ta Najeriya, Ali Nuhu ya ziyarci mai martaba Alhaji Aminu Ado Bayero a fadarsa dake garin Kano
• Ali Nuhu ya kai wa Sarkin Kanon takardar nada shi mukami da Shugaban kasa Bola Ahmed Tinubu ya yi tare da neman tabarraki
• Da yake godiya da jinjina ga basaraken mai daraja ta daya, Ali ya roki Allah ya ba shi ikon sauke nauyin da aka daura masa

Aisha Musa ta shafe tsawon shekaru tana kawo labaran Hausa a bangaren siyasa, tsegumi da al’amuran yau da kullum

Jihar Kano - Shugaban hukumar fina-finai ta Najeriya kuma babban jarumi a masana'antun Kannywood da Nollywood, Ali Nuhu ya kai ziyarar ban girma fadar mai martaba sarkin Kano.

Ali Nuhu ya ziyarci Mai martaba Sarkin Kano, Alhaji Aminu Ado Bayero domin neman tabarraki daga wajensa tare da sanar masa da sabon mukamin da ya samu a gwamnatin Shugaban kasa Bola Tinubu.

Kara karanta wannan

Gwamnan Kano zai je ya samu Tinubu su yi kus-kus kan wata gagarumar matsala 1 tak

Fitaccen jarumin dai yana daya daga cikin sabbin daraktoci 11 da gwamnatin Tinubu ta nada a ma'aikatar raya al'adu ta kasa.

Ali Nuhu ya jinjinawa sarkin Kano

A wata wallafa da ya yi a shafinsa na Instagram, shugaban hukumar fina-finan ta kasa ya yi godiya da jinjina ga basaraken kan addu'o'i da shawarwarin da ya ba shi a yayin ziyarara.

Ya kuma roki Allah da ya yi masa jagora tare da sanya wannan mukami da aka ba shi ya zamo masa alkhairi.

Ya rubuta a shafin nasa:

"Godiya da jinjina ga Mai Martaba Sarkin Kano @hrh_aminu_ado_bayero CRR CNOL JP da irin adduo'i da shawarwari da aka bamu.

"Allah ya bamu ikon yin biyayya a matsayin mu na ya' ya', Ya kuma ja da ran sarki, Allah ya rika da hannayenka bijahi rasulillah sallalahu alaihi wa sallam.

Kara karanta wannan

"Ba ku tsira ba": Fitaccen malamin addini ya aika muhimmin sako ga Tinubu, ya gargadi 'yan siyasa

"Allah ya sa wannan mukami ya zama alheri, ya kuma kare mu daga duk wani sharri da ke tare da shi."

Jama'a sun yi martani

realummy_ ta yi martani:

"Sarki agaban sarki "

mrs_hajia_jml ta ce:

"Amin Amin Allah sa a gama lafiya Yallabai Sir @realalinuhu."

nuracostume ya yi martani:

"Allah ya kara nasara mai girma MD."

saeefjibreel ya ce:

"Ameen. Ya Allah, Muna Maka fatan alheri da nasarori."

amuscap ya ce:

"Sarki da sarki"

real_abdul_mohd_fkd:

"Sai da Kai Shugaba Allah yakara Lafiya."

real_amir_jibrin:

"Allah ya raya riko amin summa amin "

algoniarab:

"Allah ya qara dafa maka Yallabue MD."

Ali Nuhu ya gana da Hannatu Musawa

A gefe guda, Legit Hausa ta kawo a baya cewa ministar Raya Al'adu ta kasa, Hannatu Musawa ya nada a masana'antarta.

Musawa ta karbi bakuncin fitaccen jarumin Kannywood, Ali Nuhu, Aisha Augie, Otunba Biodun Ajiboye da sauransu a ofishinta dake babban birnin tarayya Abuja.

Asali: Legit.ng