Elon Musk da Jeff Bezos sun tafka asarar N7.4trn sakamakon rikicin Rasha da Ukraine

Elon Musk da Jeff Bezos sun tafka asarar N7.4trn sakamakon rikicin Rasha da Ukraine

  • Mashahuran masu kudin duniya guda 2, Elon Musk da Jeff Bezos sun tafka asarar N7.4 tiriliyan daga jimillar dukiyarsu, sakamakon halin da ake ciki a Ukraine
  • Elon Musk yayi asarar $13.3 biliyan daga kadarorin sa, inda mai kamfanin Amazon, Jeff Bezos ya tafka asarar kimanin $4.41 biliyan
  • Kasuwar hannun jarin duniya ta girgiza sakamakon gagarumin tashin hankalin da kasar Ukraine ke ciki, yayin da 'yan kasuwa suka zama masu taka tsan-tsan

Mashahuran masu kudin duniyar nan guda biyu, Elon Musk da Jeff Bezos, sun tafka asarar kimanin N7.4 tiriliyan a rana, yayin da yaki tsakanin Russia da Ukraine yake cigaba da hauhawa.

Mashahuran masu arziki sun tafka asara

A lokacin da mai kamfanin Tesla, Elon Musk yayi asarar daga jimillar dukiyarsa ta sauka zuwa $199 biliyan, bayan yayi asarar $13.3 biliyan, sannan asarar da ya tafka na shekarar ya kai $71.7 biliyan, kamar yadda kididdigar Bloomberg ta bayyana.

Kara karanta wannan

Tambuwal ya gana da daliban jihar Sokoto da ke Ukraine, ya bukaci iyaye da su kwantar da hankalinsu

Elon Musk da Jeff Bezos sun tafka asarar N7.4trn sakamakon rikicin Rasha da Ukraine
Elon Musk da Jeff Bezos sun tafka asarar N7.4trn sakamakon rikicin Rasha da Ukraine. Hoto daga Alberto Rodriguez
Asali: Getty Images

Ta bangaren hamshakin mai kudi na biyu a fadin duniya, kuma mamallakin kamfanin Amazon, Jeff Bezos, dalilin gagarumin rikici tsakanin Russia da Ukraine ya tafka asarar $5.41 biliyan daga kafatanin tattalin arzirkinsa, hakan yayi kasa da dukiyarsa zuwa $169 biliyan da kuma asarar da ya tafka na $22.0 biliyan.

Shin kana da labarin da ka/ki ke son an wallafa ma ka/ki? Ka tuntubemu a info@corp.legit.ng!

Girgizar tattalin arzirkin nasu yazo ne a lokacin da aka sanar da dakarun kasar Rasha sun fara harba bama-bamai a wasu sassan kasar Ukraine, hakan ya saka firgici a kasuwanni.

Kasuwar crypto da girgiza matuka a safiyar ranar Alhamis, 24 ga watan Fabrairu, 2022. Darajar man fetur kuwa, ya hauhawa zuwa kimanin $100 duk ganga daya saboda tsananin tashin hankali tsakanin Rasha da Ukraine.

Cikin sa'o'i 8 kacal, Dangote ya samu N217.5bn, ya tsallake biloniyoyi 6 na duniya a jerin masu arziki

A wani labari na daban, Aliko Dangote, hamshakin mai arziki kuma wanda ya fi kowa kudi a Afrika ya samu karin N217.5 biliyan a dunkiyarsa cikin sa'o'i 8 kacal inda ya zama mutum na 91 mafi arziki a duniya.

Kara karanta wannan

A Cikin Awa 24 Kacal, Ɗangote Ya Samu Kuɗin Da Ya Ɗara Na Elon Musk Da Bill Gates

Kamar yadda Bloomberg ta bayyana, Dangote a halin yanzu arzikinsa ya kai $20.1 wanda ya kai kashi 5.23 na ma'adanar Najeriya ta kasashen ketare mai jimillar kudi har $40.1 biliyan.

Hauhawar farashin hannun jari a kamfanin simintin Dangote, karuwar kudin mai da kuma farashin taki ya taimaki dan kasuwan Najeriyan mai shekaru 64 a duniya.

Asali: Legit.ng

Online view pixel