Gasar UCL: Benzema ya ajiye tarihi a Turai, ya bar Mbappe, Messi da PSG da shafa keya

• Karim Benzema ya ci kwallaye uku a zagayen wasan Real Madrid da kungiyar PSG a gasar Turai
• Yanzu Benzema ne ‘dan kwallo mafi tsufa da ya taba cin kwallaye uku a wasa daya a tarihin UCL
• Sabon ‘dan wasan PSG, Lional Messi ya yi shekaru bakwai rabon da ya lashe gasar Turai kenan

Madrid - Karim Benzema ya sake cusa kansa a cikin littafin tarihin kungiyar Real Madrid da ya zura kwallaye uku a cikin mintuna 17 a wasan PSG.

Jaridar Marca ta kasar Sifen ta ce bayan wasan Paris Saint-Germain, Karim Benzema ya sha gaban Alfredo Di Stefano a wajen ci wa Real kwallaye.

A halin yanzu Benzema ya ci kwallaye 30 a gasar shekarar nan. A kakar 2011/12 ne ya ci mafi yawan kwallayensa a Madrid, karkashin Jose Mourinho.

Kara karanta wannan

Tsohon shugaban majalisar wakilan tarayyar da ya rika karbar albashin N15, 000 ya rasu

Legit.ng Hausa ta fahimci cewa ‘dan wasan gaban ya taimakawa Real Madrid wajen yin waje da kungiyar PSG daga gasar cin kofin nahiyar Turai a jiya.

Real Madrid ta samu wannan babbar nasara ne bayan Kylian Mbappe ya zura kwallaye biyu a zagaye na farko da na biyu a karawar, kafin wasa ya canza.

Benzema ya karya tarihi

A halin yanzu ‘dan wasan gaban na kasar Faransa yana da kwallaye 309. Shi kuwa gwarzon kungiyar Di Stefano ya zura kwallaye 309 a lokacinsa.

Benzema ya fara leka raga a Madrid a Satumban 2009 lokacin da suka kara da kungiyar Xerez. Ruud van Nistelrooy ne ya taimaka masa ya ci kwallon.

Bayan kusan shekaru 13, Benzema ya sha gaban Raul Gonzalez a wajen adadin kwallaye a Turai. Tsohon kyaftin din ya zura kwallaye 66 da yake wasa.

Kara karanta wannan

Da dumi-dumi: Tsohon dan wasan kwallon Najeriya ya yanki jiki ya fadi matacce a Jos

Yanzu Cristiano Ronaldo ne kurum a gaban ‘dan wasan Faransan a tarihin Real Madrid. Kafin Ronaldo ya tashi, sai da ya ci kwallaye 105 Ronaldo a gasar.

A shekara 34

Opta ta ce a shekara 34 da kwana 80, Benzema ne ‘dan wasa mafi tsufa da ya taba cin kwallaye uku a wasa daya, ya kamo wani tarihin Ferenc Puskas a 1965.

Benzema ya fara buda raga a sakamakon wani kuskure da Gianluigi Donnarumma ya yi a minti na 60. Daga baya ya zura kwallaye biyu a kasa da mintuna biyu.

Barcelona ta bar UCL

Ku na sane da cewa an gama buga dukkanin wasannin zagayen farko na gasar cin kofin nahiyar Turai a Disamba. A halin yanzu an shiga zagaye na gaba a gasar.

Wannan karo Barcelona za ta buga Europa League tare da su AC Milan. Har yanzu dai Man City, Liverpool, Man Utd, Chelsea, Ajax da Bayern su na nan a gasar.

Kara karanta wannan

Karar kwana: Jami'an kwana-kwana sun ciro gawar matashiyar da ta nutse a rijiya a Kano

Asali: Legit.ng