Global site navigation

Na gargajiya

2027: Babban Malamin Addini Ya Yi Magana Kan Yiwuwar Samun Dan Kabilar Igbo a Matsayin Shugaban Kasa
Siyasa

2027: Babban Malamin Addini Ya Yi Magana Kan Yiwuwar Samun Dan Kabilar Igbo a Matsayin Shugaban Kasa

daga  Sharif Lawal 2 dakika ya kusoma
  • Primate Elijah Ayodele ya ce bai ga shugabancin Najeriya zai je hannun ɗan ƙabilar Igbo a zaɓen 2027 ba
  • Ayodele, shugaban cocin INRI Evangelical Spirit Church, ya bayyana cewa, ko da ƴan kabilar Igbo sun tunkari zaɓen shugaban ƙasa na 2027 da haɗin kai, burinsu zai ƙare a banza
  • Malamin mai fada a ji ya ce za a ɗauki lokaci mai tsawo kafin ƴan ƙabilar Igbo su samar da shugabancin Najeriya

DUBA NAN: Danna “See First” karkashin karkashin "Following “ don samun labaran Legit.ng a shafinka na Facebook akai-akai

Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi

FCT, Abuja - Primate Babatunde Elijah Ayodele ya ce ba za a samu shugaban ƙasa ɗan ƙabilar Igbo ba a babban zaɓe mai zuwa na shekarar 2027.

Ayodele, a wani rubutu da ya yi a shafinsa na X (wanda a baya aka fi sani da Twitter) a ranar Asabar, 25 ga watan Nuwamba, ya ce ko da dukkanin ƴan ƙabilar Igbo a Najeriya za su haɗu, "ba za a ba su shugabancin ƙasa ba."

Kara karanta wannan

Daga karshe an bayyana dalilin da ya sanya Atiku da Peter Obi suka kasa yin nasara kan Tinubu a kotu

Fasto Ayodele ya ce Igbo ba za su samu shugabancin Najeriya ba
Ayodele ya dusashe fatan yan kabilar Igbo na samun shugabancin Najeriya Hoto: Primate Babatunde Elijah Ayodele
Asali: Facebook

Ba za su ba Igbo shugabancin ƙasa ba" - Ayodele

Gabanin zaɓen shekarar 2027, da alama neman shugaban ƙasa daga shiyyar Kudu maso Gabas, yana jawo damuwa daga masu ruwa da tsaki a faɗin ƙasar nan.

LURA: Shin kana son bamu labari da tattaunawa da marubutanmu? Tuntubemu a info@corp.legit.ng

Hakan dai ya faru ne yayin da ɗan takarar da ya fi shahara a ƙabilar Igbo a zaɓen shugaban ƙasa da ya gabata a watan Fabrairun 2023, Peter Obi, ya kasa cimma burinsa.

Ana sa ran Obi, wanda tsohon gwamnan jihar Anambra ne zai sake jaraba sa'arsa ta neman shugaban ƙasa a zaɓen shekarar 2027.

Primate Ayodele ya ce:

"Ba na ganin ɗan ƙabilar Igbo a matsayin shugaban ƙasa a 2027. Ko da duk ƴan ƙabilar Igbo sun haɗu, ba za su ba su shugabancin ƙasa ba."
"Igbo ba zai zama shugaban ƙasa ba."

Kara karanta wannan

Rikicin Rivers: Gwamna Fubara ya sake kalubalantar Nyesom Wike

Ayodele Ya Yi Hasashen Juyin Mulki

A wani labarin kuma, shugaban cocin INRI Evangelical Spiritual Church, Primate Ayodele Elijah Babatunde, ya yi hasashen yin juyin mulki a ƙasashen ECOWAS biyu.

Ayodele ya bayyana cewa ƙasashen ECOWAS guda biyu ne ya hasasowa juyin mulki nan ba da jimawa ba. Kasashen su ne Kamaru da kuma ƙasar Togo.

Asali: Legit.ng

Tags:
Online view pixel