Uba Sani, Umar Bago Da Wasu Zababbun Gwamnoni 3 Da Ke Rike Kujerun Yan Majalisa

• Daga ranar Litinin, 29 ga watan Mayu, za a samu sabbin fuskoki da za su shugabanci gidajen gwamnatoci daban-daban a kasar
• Jihohi kamar su Ebonyi, Neja, Zamfara, Sokoto, Taraba, Kano, Filato, Benue, Ribas, Delta, Abia da Enugu za su samu sabbin shugabanni
• Wasu daga ciki sabbin gwamnonin da aka zaba suna da gogewa a bangaren dokoki wanda za su baje a bangarenb zartarwa

Abuja - Yayin da guguwar zaben gwamnoni ke kara yin kasa, yan Najeriya na zuba ido don ganin abun da sabbin gwamnonin za su yi a jihohinsu mabanbanta.

Mutane da dama na fatan sabbin gwamnonin za su aiwatar da alkawaran da suka dauka yayin yakin neman zabensu.

Wasu daga cikin zababbun gwamnonin na da gogewa a bangaren dokoki kasancewar sun rike kujerun yan majalisa. Sune:

1. Rt. Hon. Francis Ogbonna Nwifuru (Ebonyi)

Kara karanta wannan

Da Dumi-Dumi: Yan Bindiga Sun Kwace Kayan Zabe Sun Kona a Wata Jihar Kudu, Jami'an INEC Sun Tsere

Nwifuru ya kasance gogaggen dan majalisa. Yana zangonsa na biyu a matsayin kakakin majalisar dokokin jihar Ebonyi.Ana sanya ran zai baje kolin gogewarsa na babban dan majalisar dokoki a matsayin gwamnan jiha.

2. Sanata Bassey Edet Otu (Cross River)

Sanata Otu ya kasance gogaggen dan siyasa da sanin kan majalisun tarayya guda bibbiyun. Ya wakilci mazabar Calabar Municipality/Odukpani a majalisar tarayya na tsawon shekaru takwas (2003-2011). A 2011, an zabi Otu a matsayin sanata mai wakiltan Cross River ta kudu.

3. Mohammed Umar Bago (Niger)

Hon. Bago mai shekaru 49 shine dan majalisa mai wakiltan mazabar Chanchaga a majalisar wakilai daga jihar Niger. Ya yi suna a matakin kasa ne lokacin da ya yi takarar kakakin majalisar wakilai a 2019 amma ya zo na biyu bayan Femi Gbajabiamika. Dan majalisar ya kasance ma'aikacin banki kafin ya shiga harkokin siyasa.

4. Rt. Hon. Sheriff Oborevwori (Delta)

Rt. Hon. Oborevwori shine kakakin majalisar dokokin jihar Delta mai ci a yanzu. Ya wakilci mazabar Okpe. Dan siyasar mai shekaru 60 ya yi aiki a matsayin kansila a 1996. Oborevwori ya kasance mamba a kungiyoyi daban-daban.

Kara karanta wannan

Hukuncin kyautar da ma'aikatan zabe ke karba wajen wakilan jam'iyyu ranar zabe, Dr Jamil Zarewa

5. Sanata Uba Sani (Kaduna)

Sanata Sani ya kasance injiniya kuma dan siyasa mai wakiltan Kaduna ta tsakiya a yanzu haka a majalisar dattawa. Kafin ya shiga siyasa, Sanata Sani ya kasance mai fafutukar kare yancin marasa galihu da basu damar samun adalci.

A wani labari na daban, gwamnatin jihar Zamfara ta sanya dokar hana fita a fadin jihar bayan sanar da sakamakon zaben gwamna a jihar.

Kamar yadda ta bayyana, ta dauki wannan matakin ne domin hana barkewar rikici a jihar.

Asali: Legit.ng