Sakamakon Zaben Akwatin Atiku Ya Fito, Ya Lallasa Tinubu da Kwankwaso

• Alhaji Atiku Abubakar ya samu nasarar farko a zaben bana, ya lashe akwatin da ya kada kuri'a
• Atiku ya lallasa abokan hamayyarsa da tazara mai fadi a rumfarsa ya gundumar Gwadabawa
• Har yanzu ana cigaba da tattaro sakamakon zaben kuri'an da aka kada a fadin tarayya

Dan takarar shugaban kasa na jam'iyyar Peoples Democratic Party PDP, Atiku Abubakar, ya samu nasara a akwatin da ya kada kuri'a yau a Yola, babban birnin jihar Adamawa.

Atiku ya kada kuri'arsa a rumfar zabe ta goma sha biyu PU012, Ajiya, gundumar Gwadabawa, karamar hukumar Yola ta Arewa a jihar.

Atiku wanda ya kada kuri'arsa tare da iyalin a akwatin ya lallasa Bola Ahmed Tinubu na jam'iyyar APC, Rabiu Musa Kwankwaso na Jma'iyyar NNPP da kuma Peter Obi na jam;iyyar LP.

Kara karanta wannan

Fata na 1:El-Rufai ya yiwa Tinubu addu'a, ya fadi matsalar da aka samu a jiharsa a wurin zabe

Wanda ya biyo masa shine Tinubu wanda ya samu kusan humusin kuri'un da Atiku ya samu.

Kwankwaso kuwa kuri'a 1 tak a samu yayinda Peter Obi ya samu kuri'u 6.

Kalli sakamakon:

PU012, Ajiya, Gwadabawa ward, Yola north LGA

APC: 57

PDP: 282

LP: 6

NNPP: 1

Karancin Fitowar Masu Kaɗa Ƙuri'u a Kaduna Ya Dame Ni - El-Rufai

A jihar Kaduna kuwa, Malam Nasiru, yayi mamakin yadda aka samu ƙarancin masu ƙada kuri'a a cikin garin Birnin Kaduna.

Gwamnan ya bayyana haka ne sanda yake hira da masu neman labarai, jim kaɗan da hawan sa kan layi domin yin zaɓe a akwati ta 024, dake a mazaɓar Unguwan Sarki, Kaduna.

Gwamnan yace abin takaici ne ace wai wasu akwatunan babu mutane sosai, musamman yadda aka saba gani a lokutan baya.

Asali: Legit.ng