Mun samu izinin fara amfani da jiragen 'Super Tucano' wajen ragargazan yan bindiga, Ministan Shari'a
daga
Abdul Rahman Rashid
- Abubakar Malami ya bayyana cewa Najeriya ta nemi izini wajen Amurka don amfani da jiragen Super Tucano
- Najeriya ta sayi jiragen Suer Tucano guda shida don yakar yan ta'addan Boko Haram dake Arewa maso gabashin Najeriya
- Yanzu Gwamnati na son fara amfani da jiragen wajen ragargazan yan bindiga a Arewa maso yamma
Abuja - Gwamnatin tarayya ta bayyana cewa ta samu izinin fara amfani da sabbin jiragen 'Super Tucano' wajen ragargazan yan bindiga masu garkuwa da mutane a fadin tarayya.
A shekarar 2021, Gwamnatin tarayya ta sayi sabbin jirage daga kasar Amurka.
Antoni Janar kuma Ministan Shari'a, Abubakar Malami SAN, ya bayyana hakan a shirin Good Morning Nigeria na tashar NTA ranar Talata, 4 ga Junairu, 2022.
Asali: Depositphotos
Yace Gwamnatin tarayya ta samu izini daga wajen Amurka kuma ta yi alkawarin amfani da jiragen yadda ya kamata.
Yace yanzu haka ana kokarin katabta jiragen cikin kundin dokokin Najeriya.
A cewarsa:
"Muna fuskantar matsalar yan bindiga a Arewa maso yamma kuma shi yasa muka sayi makamai wajen yaki da su."
"Mun samu izinin amfani da Super Tucano. Yanzu muna shirin katabtashi cikin doka."
Asali: Legit.ng