Sabon Manajan NNPC: Muhimman abubuwa guda 9 da ya kamata ku sani dangane dashi
A yau ne shugaban kasa Muhammadu Buhari ya bai wa Mele Kolo Kyari mukamin manajan darakta (GMD) na kamfanin man fetur na Najeriya (NNPC)
Yana da mutukar muhimmanci mutane su san wanene Mele Kyari, tunda shine zai rike ragamar bangaren da yafi kowanne muhimmanci a bangarorin da suke kawowa Najeriya kudi.
Ga wasu muhimman abubuwa guda tara dangane da sabon manajan daraktan:
1. Tsohon ma'aikacin OPEC
Kyari tsohon ma'aikacin kamfanin hako man fetur na OPEC ne. Ya jagoranci ma'aikatar a bangaren kula da kasuwar man fetur ta duniya.
2. Tsohon manajan danyen mai
Kafin a bashi mukamin OPEC, Kyari yayi shugaban kungiyar hako danyen mai, hakan ya nuna cewa ya jima yana aiki a bangaren mai.
3. Ya fara aiki a bangaren mai a shekarar 1988
Sabon daraktan NNPC ya fara aiki a bangaren man fetur a bangaren binciken mai shekarar 1988 zuwa 1991, kafin daga baya ya canja fanni ya koma bangaren IDSL.
4. Kyari yana da kwarewa a bangaren aikin mai
Sabon manajan man fetur din yayi aiki a ma'aikatar hada-hadar man fetur ta (NAPIMS) a shekarar 1998, sannan ya zama shugaban kamfanin na babban birnin tarayya.
5. Yayi aiki a bangarori da dama a kamfanin NNPC
Yayi aiki a bangarori da dama a kamfanin NNPC daga shekarar 2007 zuwa yanzu.
KU KARANTA: Jerin halaye guda 8 na Manzo Allah (S.A.W) wadanda Yahudu da Nasara suka aminta da su
6. Manaja a bangaren hada-hadar danyen mai
Yayi aiki a matsayin manaja, a bangaren hako danyen mai daga shekarar 2008 zuwa shekarar 2014 daga nan ya zama janar manaja a bangaren kasuwar hada-hadar danyen mai.
7. Kyari yana da digiri a fannin ma'adanai
Yayi karatun digiri din shi a fannin ma'adanai a jami'ar Maiduguri a shekarar 1987.
8. Zai shiga ofis a farkon watan Yuli
Kyari shine manajan darakta na 19 a kamfanin man fetur na Najeriya, kuma zai fara aikin shi a ranar 8 ga watan Yuli.
9. Kyari yayi aiki kwarai da gaske a lokacin da yake aiki a wurin danyen mai
Lokacin da yana bangaren kasuwanci na danyen mai, an samu cigaba sosai a kamfanin.
Wannan shine kadan daga cikin muhimman abubuwa da ya kamata ku sani dan gane da sabon manajan darakta na kamfanin man fetur na kasa (NNPC), Mele Kolo Kyari.
Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.
Latsa wannan domin samun sabuwar manhajar labarai ta Legit.ng Hausa a wayar ku ta hannu:
https://play.google.com/store/apps/details?id=com.naij.hausa
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
