Nigerian news All categories All tags
Yarjejeniyar da Saraki ya cimma da Sanatocin APC a kan batun tsige shi

Yarjejeniyar da Saraki ya cimma da Sanatocin APC a kan batun tsige shi

Tun kafin majalisar dattijai ta dawo daga hutun da ta tafi a cikin satin da ya kare batun tsige shugaban majalisar Bukola Saraki ya ke cigaba da yawo a kafen yada labarai.

Sai sai wani abun mamaki shine yadda sanatoci da shugabannin jam'iyyar APC da ke yunkurin tsige Saraki su ka yi shiru da wannan magana bayan dawowa daga hutunta ranar Talata.

Wani rahoton bincike da tuntuba da jaridar The Cable ta wallafa ya bayyana yadda Saraki ya cimma yarjejeniya da mambobin APC a majalisar dattijai a kan batun na tsige shi ta hanyar amincewa da wasu sharudai.

Daga cikin sharudan akwai batun zartar da duk wasu kudiri da shugaba Buhari ya aiko kuma har yanzu majalisar ba ta sahale ma su ba da kuma amincewa da dukkan jama'ar da Buhari ya aiko domin majalisar ta tantance su.

Yarjejeniyar da Saraki ya cimma da Sanatocin APC a kan batun tsige shi

Saraki
Source: Depositphotos

Alamun hakan sun fara tabbata ne bayan majalisar ta amince da batun kasafin kudin hukumar zabe mai zaman kanta (INEC) da shugaba Buhari ya gabatar wa majalisar.

Kazalika majalisar ta amince da nadin dukkan kwamishinonin hukumar kidaya (NPC) 20 da nadin mataimakin gwamnan babban bankin kasa (CBN), Folashodun Shonubi, da Buhari ya turawa majalisar dattijai.

DUBA WANNAN: Buhari ya bukaci wani ministansa ya yi murabus

Shugaba Buhari ya mika kudiri 15 ga majalisar dattijai tun bayan hawansa mulkin a 2015 amma 5 ne kawai su ka samu sahalewar majalisar ta dattijai.

Bayan batun amincewa da kudiri da tantance wadanda za a bawa mukami, an cimma yarjejeniya tsakanin Saraki da mambobin APC kan cewar za a bawa batun da ya shafi cigaban kasa fifiko tare da jingine banbancin jam'iyya.

Muhimmiyar sanarwa: Shafin Legit.ng Hausa zai koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Subscribe to watch new videos

Source: Hausa.legit.ng

Mailfire view pixel