Nigerian news All categories All tags
2019: Mataimakin Ali Modu ya ankarar da Buhari tuggun da tsohon maigidan nasa ke kulla masa

2019: Mataimakin Ali Modu ya ankarar da Buhari tuggun da tsohon maigidan nasa ke kulla masa

- Alhaji Shettima Yuguda Dibal, tsohon mataimakin gwamnan Borno, Ali Modu Sheriff, ya gargadi shugaba Buhari da Oshiomhole game da dalilan da yasa Sheriff ya dawo APC

- Shettima Yuguda Dibal ya ce Sheriff ya dawo APC ne saboda bashi da zabi ba wai domin kishin jam'iyya ko talakawa ba

- Tsohon mataimakin gwamnan ya sharwaci jam'iyyar APC ta fifita wadanda suka zauna cikin jam'iyyar ba wadanda ke karkata duk inda suka ga maiko ba

Alhaji Shettima Yuguda Dibal ne mataimakin gwamna Ali Modu Sheriff na jihar Borno daga shekarar 2003 zuwa 2011 ya gargadi shugaba Muhammadu Buhari da shugaban jam'iyyar APC, kwamared Adams Oshiomhole a kan abinda ya bayyana a matsayin dabaru da damfara da Ali Modu Sherrif ko kokarin yiwa jam'iyyar APC.

2019: Gwamna Sheriff na son amfani da Buhari da Oshiomole - Shettima Yuguda

2019: Gwamna Sheriff na son amfani da Buhari da Oshiomole - Shettima Yuguda

A wata hira da Wazirin Biun ya yi da manema labarai a Abuja, ya ce ya cigaba da zama a jam'iyyar APC ne ko da yake gwamna Ali Modu Sherrif ya sauya sheka zuwa jam'iyyar PDP domin ya san cewa talakawan jihar Borno APC su keyi hakan yasa PDP ba ta taba mulkar jihar ba.

DUBA WANNAN: An zargi Hammed Ali da nuna wariya wajen rabon mukamai a hukumar Kwastam

Yuguda Dibal ya ce Sherrif shi a kullum kokarinsa shine ya rika yiwa shugaban kasa fadanci saboda ya rika biyan bukatunsa. Dibal ya ce Ali Modu Sherrif ya yi kokarin janyo hankalin sauran 'ya'yan jam'iyyar APC su biyo PDP amma basu amince ba.

Da yake tsokaci kan komowar Sherrif jam'iyyar APC, Yuguda Dibal ya ce tsohon gwamnan ya dawo APC me saboda bashi da wata zabi kuma domin yana son ya kusanci shugaban kasa Muhammadu Buhari don cimma wasu buri nasa na siyasa.

Tsohon mataimakin gwamnan kuma ya gargadi jam'iyyar APC tayi kafa-kafa da irin alkawurran da Ali Modu Sherrif ke dauka wanda kuma baya iya cikawa inda ya bayar da misalin yadda Sheriff ya yiwa tsohon shugaba Jonathan alkawarin kawo kuri'un Borno a 2015 amma Jonathan ya sha kaye.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Source: Hausa.legit.ng

Mailfire view pixel