Nigerian news All categories All tags
Yadda wata matan aure ta kashe mijinta saboda ya ce zai yi mata kishiya

Yadda wata matan aure ta kashe mijinta saboda ya ce zai yi mata kishiya

Wata matar aure mai suna Salamatu Shehu ta yi ajalin mijinta mai suna Mallam Shehu a kauyen Rafin Gero da ke karamar hukumar Anka na Jihar Zamfara kamar yadda jaridar Daily Trust ta wallafa.

Salamatu ta yi wa mijinta lahani ne bayan sun samu rashin jituwa sakamakon fada mata cewa ya yana son ya yi mata kishiya kamar yadda wani mazaunin kauyen ya tseguntawa majiyar Legit.ng.

Wata mace a Zamfara ta kashe mijinta da duka saboda zai yi mata kishiya

Wata mace a Zamfara ta kashe mijinta da duka saboda zai yi mata kishiya

Har ila yau wani mazaunin kauyen kuma ya ce mijin matan baya iya biya mata bukata wajen saduwa duk da korafin da ta rika yi. Hakan yasa ya dauki matakin sakin ta saboda ya gaji da irin galaza masa da ta keyi.

KU KARANTA: Yaki da rashawa: Kotu ta tisa keyar tsohon shugaban PDP zuwa gidan yari

Salamatu da dauki kujera ta buga wa mijinta a kai kuma nan take ya fadi sumame. Mutane sun garzaya dashi zuwa asibiti amma bayan kankanin lokaci sai ya ce ga garinku.

Kakakin hukumar Yan sandan jihar Zamfara, SP Muhammad Shehu ya ce wanda ake zargin tana hannun hukuma kuma ta amsa laifin da ake zargin ta da aikatawa.

"Ana cigaba da gudanar da bincike a sashin binciken masu aikata manyan laifuka (SCID) kuma nan da kankanin lokaci za'a gurfanar da ita gaban kotu. Hukumar ta amfani da wannan damar wajen gargadin mutane su dena daukin doka a hannunsu.

"A maimakon hakan, su shigar da kara a caji ofis mafi kusa dasu domin a dauki matakan da suka dace," inji shi.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/naijcomhausa

Twitter: https://twitter.com/naijcomhausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Subscribe to watch new videos

Source: Hausa.legit.ng

Mailfire view pixel