Labarai

Gwamnatin Tarayya ta Kaddamar da aikin hanya daga Kano zuwa Abuja

Talata, Yuni 26, 2018 at 4:36 Yamma daga Mudathir Ishaq 2 - tsawon mintuna

Kamar yadda shafin jaridar The Nation ya bayyana mun samu rahoton cewa, a ranar yau ta Talata ne gwamnatin tarayya ta fara kaddamar da katafaren aiki gadan-gadan na sake gina babbar hanyar titin mota daga jihar Kano zuwa Abuja.

Jaridar Legit.ng ta fahimci cewa, gwamnatin tarayya yayin zaman majalisar zantarwa ta bayar da lamunin gudanar da wannan katafaren aiki da ta danka kwangilar sa ta kimanin N155, 470,626,078.07 a hannun kamfanin Julius Berger Nigeria Plc tun watan Dasumba na shekarar 2017 da ta gabata.

Rahotanni sun bayyana cewa, kamfanin tare da gwamnatin tarayya sun yi yarjejeniyar kammala wannan muhimmin aiki cikin watanni 36 masu gabatowa.

Gwamnatin Tarayya ta Kaddamar da aikin hanya daga Kano zuwa Abuja

Ministan makamashi, ayyuka da Gidaje, Babatunde Fashola, shine zai kaddamar da wannan aiki yayin da gwamnan Kano Abdullahi Ganduje da takwaran sa na jihar Kaduna, Nasir El Rufai, Ministan Birnin tarayya, Muhammad Bello za su halarci wannan biki na kaddamar da katafaren aiki.

DUBA WANNAN: Jam'iyyar PDP tayi kaca-kaca da Fadar Shugaban Kasa kan Kashen-Kashen Jihar Filato

Sauran wadanda za su halarci bikin sun hadar da; kananan Ministoci biyu; Mustapha Baba Shehuri da Suleiman Hassan Zarma da kuma shugaban kwamitin majalisar dattawa kan aikace-aikace; Sanata Kabiru Gaya.

A na sa ran wannan muhimmin aikin hanya zai zamtomahaɗa tsakanin Kudu da Arewacin Kasar nan domin saukaka cunkoso da jerin gwanon Motoci da yake ta faman karuwa kan babbar hanyar tun gabanin shekarar 1990.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en

Domin shawara ko buƙatar bamu labari, tuntuɓe mu a: labaranhausa@corp.legit.ng

Ku duba shafukanmu na dandalin sada zumunta a:

https://facebook.com/naijcomhausa

https://twitter.com/naijcomhausa

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Jihar Kaduna Jihar Kano Abuja