Kanu ya bayyana dalilin ziyarar sa ga Sheikh Pantami, kalli hotunan ganawar su
A jiya, Laraba, tsohon dan wasan kwallon kafar Najeriya, Kanu Nwankwo, ya ziyarci Sheikh Isa Ali Pantami.
Kanu ya ziyarci Sheikh Pantami ne a ofishin hukumar bunkasa fasahar zamani(NITDA), wacce yake jagoranta, a birnin tarayya, Abuja.
Da yake bayyana dalilin ziyarar sa, Kanu, ya ce ya zabi ya ziyarci hukumar ne saboda kaf cikin hukumomin Najeriya babu wacce take burge shi kuma take taka rawar gani kamar hukumar NITDA.
DUBA WANNAN: Dakyau: Wasu tsageru 20 da shugaban kungiyar su dake tayar da hankula a Zamfara sun shiga hannu
A kwanakin baya ne dai rahotanni suka bayyana cewar, tsohon dan wasan kwallon kafar, Kanu, zai fito takarar neman shugabancin kasa.
Saidai daga bisani Kanu ya fito ya nesanta kansa daga wannan rahoto.
Kanu ya yi fice wajen aiyukan taimako da tallafawa masu karamin karfi, domin har wani asibiti ya gina domin duba masu matsalar ciwon zuciya kyauta.
Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=com.naij.hausa&hl=en
Ku biyo mu a shafukanmu na dandalin sada zumunta:
Facebook: https://facebook.com/naijcomhausa
Twitter: https://twitter.com/naijcomhausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
