Jerin Jihohin Da Shugaba Tinubu Ya Zabo Ministoci Guda 2
FCT, Abuja - Shugaban ƙasa Bola Ahmed Tinubu ya zaɓo aƙalla minista ɗaya daga kowace jiha cikin jihohi 36 da birnin tarayya Abuja, bayan ya miƙa jerin sunayen ministocinsa kashi na biyu ga majalisar dattawa a ranar Laraba, 2 ga watan Agustan 2023.
DUBA NAN: Bibiyi shafin Legit.ng Hausa a kafar TikTok. Kada ka bari bidiyo mai daukar hankali ya wuce ka!
Ƙarin ministocin 19 ya sanya yawan ministocin da Shugaba Tinubu ya naɗa ya kai jimillar mutum 47, cewar rahoton The Punch.
Asali: UGC
Sai dai, wasu jihohin sun samu minista sama da guda ɗaya. Hakan baya rasa nasaba da gudunmawar da suka ba Shugaba Tinubu wajen lashe zaɓen shugaban ƙasa na ranar 25 ga watan Fabrairun 2023.
A satin da gabata ne dai Shugaba Tinuɓu ya fara aikewa da sunayen ministoci 28 ga majalisar dattawa domin tantancewa, sannan ya ƙara aikewa da ragowar ministoci 19 a wannan satin, wanda hakan ya sanya ministocin suka zama 47.
Ga jerin jihohin da suka samu sama da minista ɗaya a nan ƙasa:
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Jihar Katsina ta samu ministoci 2
Ahmad Dangiwa - Jihar Katsina
Hanatu Musa Musawa - Jihar Katsina
Tinubu ya zaɓo mutum 2 ƴan asalin jihar Cross River domin zama ministoci
John Enoh - Jihar Cross River
Betta Edu - Jihar Cross River
Jihar Bauchi ta samu ministoci 2
Yusuf Maitama Tuggar - Jihar Bauchi
Ali Pate - Jihar Bauchi
Jihar Ogun ta samu ministoci 3
Dr. Bosun Tijjani - Jihar Ogun
Dr. Ishak Salako - Jihar Ogun
Olawale Edun - Jihar Ogun
Jihar Legas ta samu gurbin ministoci 2
Tunji Alausa - Jihar Legas
Lola Ade John - Jihar Legas
Tinubu ya zaɓo ministoci 2 daga jihar Kebbi
Dr Yusuf Tanko Sununu - Jihar Kebbi
Atiku Bagudu - Jihar Kebbi
Tinubu ya ba jihar Kano gurbin ministoci 2
Abdullahi Tijjani Gwarzo - Jihar Kano
Dr. Maryam Shetti - Jihar Kano
Jihar Niger ta samu ministoci 2
Mohammed Idris - Jihar Niger
Sanata Aliyu Sabi Abdullahi - Jihar Niger
Taraba ta samu gurbin ministoci 2 a wajen Shugaba Tinubu
Uba Maigari Ahmadu - Jihar Taraba
Sani Abubakar Danladi - Jihar Taraba
'Yan Siyasa Da Ba Su Samu Minista Ba
A wani labarin kuma, wasu jiga-jigan ƴan siyasa da suka wahalta wajen samun nasarar Shugaba Tinubu, an yi ba su a wajen rabon ministoci.
Ƴan siyasan dai sun bayar da gudunmawa a wajen nasarar Shugaba Tinubu, daga cikinsu akwai Aisha Dahiru Binani da Festus Keyamo.
Asali: Legit.ng
