Dakarun Sojoji Sun Sheke 'Yan Ta'addan Boko Haram, Sun Kwato Makamai
- Dakarun sojojin Najeriya sun samu nasarar hallaka ƴan ta'addan Boko Haram a jihar Borno da ke yankin Arewa maso Gabas
- Sojojin tare da haɗin gwiwar ƴan sa-kai na CJTF sun hallaka ƴan ta'adda biyar bayan sun farmake su a ƙaramar hukumar Mafa ta jihar
- Jami'an tsaron sun kuma samu nasarar ƙwato makamai masu tarin yawa daga hannun ƴan ta'addan bayan sun yi ƙazamin artabu
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Editan Legit Hausa Sharif Lawal yana da ƙwarewar shekaru wajen kawo rahotannin siyasa, al'amuran yau da kullum, tsegumi da nishaɗi
Jihar Borno - Dakarun sojojin Najeriya na rundunar Operation Hadin Kai, sun samu nasarar hallaka ƴan ta'addan Boko Haram.
Dakarun sojojin tare da haɗin gwiwar ƴan sa-kai na CJTF sun samu nasarar hallaka ƴan ta'addan guda biyar a ƙaramar hukumar Mafa ta jihar Borno.
Asali: Facebook
TABLE OF CONTENTS
Sojoji sun ragargaji ƴan Boko Haram
Zagazola Makama ya bayyana cewa jami'an tsaron sun samu nasarar ne lokacin da suka gudanar da sintiri a yankin Hashime da ke ƙaramar hukumar Mafa a jihar Borno.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Dakarun sojojin sun kuma ƙwato makamai a hannun ƴan ta'addan bayan sun fatattake su.
Majiyoyi sun bayyana cewa an kai harin ne da sanyin safiyar ranar Juma'a, 29 ga watan Nuwamban 2024.
Farmakin da aka kai wa ƴan ta'addan ya jawo an yi ƙazamin artabu da su.
Bayan fafatawar, dakarun sojojin sun ƙwato bindigu ƙirar AK-47 guda biyu, jigida guda biyu, da harsasai na musamman masu kaurin 7.62mm guda 23.
Karanta wasu labaran kan sojoji
- Dakarun sojoji sun hallaka kasurgumin shugaban 'yan ta'adda a Arewacin Najeriya
- Sojoji sun yi luguden wuta kan Boko Haram, sun wargazawa 'yan ta'adda wajen hada bom
- Sojoji sun hallaka ƴan bindiga a Kaduna, sun cafke mai ba su bayanai
Sojoji sun kashe kwamandan Boko Haram
A wani labarin kuma, kun ji cewa dakarun sashe na 2 na rundunar sojin Operation Hadin Kai tare da hadin gwiwar 'yan banga sun dakile harin 'yan ta'addar Boko Haram a jihar Yobe.
Dakarun sojojin sun daƙile harin ƴan Boko Haram tare da kashe ƙasurgumin kwamanda a kauyen Fegi da ke yankin Buni Yadi, karamar hukumar Gujba a Yobe.
Asali: Legit.ng
