Rundunar ’Yan Sandan Najeriya Ta Fi Ko Ina Yawan Masu Garkuwa da Mutane, in Ji Seun Kuti
- Seun Kuti, dan marigayi Fela Kuti, shahararren mawakin nan na Najeriya ya zargi 'yan sanda da jagorantar kungiyoyin garkuwa da mutane
- A cewar Seun Kuti, da yawa daga cikin masu garkuwa da mutane 'yan sanda ne da kansu, kuma suna karbar kudin fansa daga hannun jama'a
- Ya yi kira ga gwamnatin tarayya da ta magance matsalolin satar mutane a kasar, yana mai cewa akwai matsala a jami'an tsaron kasar
Legit.ng Hausa ta bude tasha a manhajar Whatsapp. Kasance tare da mu don samun rahotanni da dumi-dumi!
Sani Hamza, kwararren edita ne a fanni n nishadi, al'amuran yau da kullum da kuma siyasa. Yana da shekaru sama da biyar a aikin jarida.
Legas - Shahararren mawakin nan na Najeriya Seun Kuti, ya yi kakkausar suka ga rundunar ‘yan sandan Najeriya, yayin da ya ke ba da labarin abin da ya faru a ofishin ‘yan sanda da ke Panti a jihar Legas.
Da yake magana a wata tattaunawar kai tsaye a Instagram, Seun ya yi zargin cewa ‘yan sanda ne ke da hannu wajen satar mutane da ake yi a kasar, Leadership ta ruwaito.
Asali: Twitter
Yan sanda na karbar kudin fansa a hanun mutane - Seun
Da yake ba da labarin abin da ya faru a lokacin kama shi a shekarar 2023, ya ce an kulle shi tare da gungun masu laifi, ciki har da masu kisan kai da masu garkuwa da mutane, a cikin daki daya.
LURA: Shin kana son bamu labari da tattaunawa da marubutanmu? Tuntubemu a info@corp.legit.ng
Ya yi ikirarin cewa da yawa daga cikin masu yin garkuwa da mutane jami’an ‘yan sanda ne da kansu, wadanda ke aiki a matsayin jagororin kungiyar masu garkuwan.
Seun ya kuma yi ikirarin cewa 'yan sanda sun yi garkuwa da wasu 'yan Najeriya tare da tilasta musu biyan kudin fansa kamar yadda masu garkuwa da mutane ke bukata.
Seun Kuti ya roki gwamnati ta kawo karshen garkuwa da mutane
Ya kuma kwatanta neman belin da ‘yan sanda ke yi da karbar kudin fansa, yana mai jaddada cewa idan aka tilasta wa mutane su biya domin a sake su, to kamar hukuma ce ta yi garkuwa da su.
Ya kuma yi tsokaci kan lamarin Evans, wanda shi ne fitaccen mai garkuwa da mutane, inda ya nuna cewa duk da an daure shi, ba a rage yawan sace-sacen mutane ba.
Dan marigayi Fela Kuti, ya yi kira ga gwamnatin Najeriya da ta magance matsalolin satar mutane a kasar, yana mai jaddada cewa lamarin ya wuce tunanin mutane.
Zulum ya nada sabon Wazirin Borno
A wani labarin, gwamnan jihar Borno, Babagana Zulum ya nada sabon Wazirin Borno kamar yadda Shehun Borno, Abubakar Ibn Umar Garba Al Amin El-Kanemi ya bukata.
Mutawali Bukar, mataimakin magatakardar jami'ar Borno ne aka nada matsayin sabon Wazirin Borno.
Asali: Legit.ng
