Abin Al'ajabi: Halittar Wani Yaro Mai Shudin Ido Ya Girgiza Intanet, Jama'a Na Ta Cece-kuce Kan Bidiyonsa

• Yanayin halittar wani karamin yaro ya baiwa mutane da dama mamaki saboda abubuwan da yake dauke da su a fuskarsa
• An haifi yaron da furfura a kansa, idanunsa suna da launin shudi sannan kuma yana da wani fashin haske kamar na tsawa shimfide a fuskarsa
• Mabiya shafukan soshiyal midiya yaba kamanninsa yayin da wasu ke tunanin ba zai rasa wani rashin lafiya da ke damunsa ba

Bidiyon wani karamin yaro bakin fata dauke da idanu masu launin shudi da wasu hallita ta musamman ya haifar da cece-kuce a soshiyal midiya.

A cikin wani bidiyon TikTok da ya samu sama da mutane miliyan daya da suka kalla, yaron ya kalli cikin kamara yayin da aka hasko yanayin halittar fuskarsa mai ban mamaki.

Baya ga idanu masu launin shudi da yaron ke dauke da su, yana kuma da furfura a gaban gashin kansa sannan akwai wani fashin haske kamar na tsawa shimfide a fuskarsa.

Kara karanta wannan

Babban gaye: Yadda nau'in takalmin wani dan kwalisa ya girgiza mutane a intanet

Zanen tsawar ya fara daga furfuran kansa sannan ya bazu har zuwa kan hancinsa ya gangara kan saman labbansa.

Jama’a sun yaba kyawun halitta na wannan yaro mai ban al’ajabi.

Kalli bidiyon a kasa:

D'Cee Killion Living ya ce:

“Kyakkyawan yaro. Kamar tsawa ne⚡️kan fuskarsa. Ya hadu matuka.”

Lunar Moon ta ce:

“Yana da kyau sosai. Ina ta tunanin hasken tsawa ne ya sumbace shi.”

Duc Nambouri ya ce:

“Ya yi daban a cikin mutane. Ba zai ya yi gwagwarmayar zama babban jarumi ba. Ya rigada ya yi zarra a cikin dandazon mutane.”

Asali: Legit.ng