Babu Gwamnatin Da Ta Kai Buhari Kokari a Bangaren Gine-Gine a Tarihin Najeriya, Lai Mohammed

• Shugaba Buhari Ya Yi Iyakar Kokarinsa, Inji Isa YugudaShugaba Buhari Ya Yi Iyakar Kokarinsa, Inji Isa YugudaGwamnatin tarayya ta kammala ginin Terminal 2 na tashar jirgin saman tunawa da Janar Murtala Mohammed
• Minista Lai Mohammed ya ce a tarihin Najeriya babu gwamnatin da ta kai Buhari kokari wajen gine-gine
• Tashar jirgin saman Legas ce tashar da tafi yawan fasinjoji a cikin dukkan tashohin jiragen saman Najeriya

Legas - Ministan Labarai da al'adu, Alhaji Lai Mohammed, ya bayyana cewa ginin sabon tashar jirgin saman kasa da kasa ta Murtala Mohammed dake Legas, wani karn hujja ne dake nuna jajircewar gwamnatin shugaba Muhammadu Buhari.

Lai Mohammed ya bayyana hakan ranar Litnin yayin yawon ganin idon da ya kai wajen, ma'aikatar Labarai ta bayyana hakan.

A cewarsa:

"Wannan gini - da wasu ire-irensa - hujja ne dake nuna jajircewar gwamnatin Buhari wajen gine-gine irinsu tituna, gadoji, layin dogo, tashoshin ruwa, dss."

Kara karanta wannan

Sunaye: Jihohin Kano, Zamfara da Enugu Sun yi Sabbin Kwamishinonin 'Yan Sanda

"Babu gwamnati a tarihin kasar nan da tayi ayyuka irin wannan, musamman a lokacin rashin kudi."

Lai Mohammed ya kara da cewa yayi farin cikin ganin irin kayan alatun da aka zuba a tashar jirgin wanda irinsu ake amfani da su a sauran kasashen duniya, riwayar TheCable.

Ministan ya samu rakiyar Dirakta Manajan hukumar tashohin jirage tarayya FAAN, Rabiu Yadudu; Dirakta Janar na NCAA, Musa Nuhu, da Mrs Ojali Ausa.

Daga cikin abubuwan da aka gina a wajen akwai wajen duba fasfot, wajen tantance mutane da kaya, Otal mai dakuna 22, wajen Sallar Musulmai da Kirista, wajen duba lafiya dss.

Shugaba Buhari Ya Yi Iyakar Kokarinsa, Inji Isa Yuguda

A wani labarin kuwa, tsohon gwamnan Bauchi ya yaba da irin kokarin da Buhari ya yi shekarun mulkinsa.

Kara karanta wannan

Atiku: Sai na mai da jami'o'in tarayya karkashin gwamnatin jiha idan na gaji Buhari a 2023

Ya bayyana yabonsa ne ga Buhari a wata hira da aka yi dashi a gidan talabijin na Channels a shirin Sunrise Daily.

Isa Yuguda, ya ce shugaba Buhari ya yi iyakar kokarinsa idan aka yi duba da lamurran tsaro da kuma kalubalen da Najeriya ke fuskanta.

Isa Yuguda dai tsohon ministan sufurin jiragen sama ne a Najeriya, kuma ya yi gwamna a jihar Bauchi

Asali: Legit.ng