Labarai

Wani mutumi ya sayi gida da kudi N60m da aka tura masa cikin kuskure, yanzu Banki yace ya dawo da kudin

Laraba, Nuwamba 17, 2021 at 3:40 Yamma daga Abdul Rahman Rashid

Wani mutumi mai suna Russell Alexander ya sayi gida da kudi £110,000 (N60.7 million) da aka tura masa cikin kuskure
Mutumin yace da kudaden suka shigo, sai da ya tafi banki don fada musu amma suka ce masa ya rike kudin
Bayan watanni tara, bankin sun gano kuskure akayi kuma sun ce masa ya dawo da kudin

KALLIN NAN: Legit.ng ta fara wata gwagwarmayan taimakawa yara marasa galihu a Calabar - Kayi musharaka a wannan shirin na Patreon, mu hada kai wajen canza rayukan mutane!

A ranar 29 ga Disamba, 2020, Russell Alexander, ya yi mamakin yadda aka fara tura masa kudi £110,000 (N60.7 million), cikin asusun bankinsa.

Ba tare da bata lokaci ba ya garzaya Bankin Barclays dake Ingila domin sanar da su abinda ya faru.

Timesnow News ta ruwaito cewa bankin ta fadawa Russell ya tafi ya rike kudin saboda kudin gado ne, ashe kuskure sukayi.

Kara karanta wannan

Borno: Arangama ta da 'yan ta'addan ISWAP a kan titi, Malamin makaranta

Kawai sai Mr Russell ya garzaya kasuwa ya sayi makeken gida a watan Yuni, 2021.

DUBA: Saukar da sabuwar manhajarmu ga masu amfani da Android, karanta labarai da duminsu a manhajar kafar labarai ta #1 a Najeriya

Banki tace ya dawo da kudin

Bayan watanni tara, Bankin Barclays ya gano cewa kuskure akayi kuma ya umurce Mr Russell ya dawo da kudin.

A cewar DailyMail, bankin yace lallai kuskure yayi wajen turawa Russell kudi kuma an sake tafka wani kuskuren wajen fada masa ya rike kudin.

Bankin sun samu nasarar kwashe kudaden dake asusunsa saboda ya ajiye daidai kudi tare wasu yan canji ciki.

Yanzu sun bashi kyautan £500 (N276k) ya rage zafi.

Mutumin wanda mazaunin Norfolk a Birtaniya ne yace bankin bai kyauta masa ba saboda sun bata masa tsarin rayuwa.

Yace:

Kara karanta wannan

Bayan shekaru 52, an gano mutumin da ya sace N88.1m, an kuma gano inda ya ɓoye kuɗin

"Na yi mamakin lokacin da kudin suka shigo, amma da na je banki har sau biyu nace su duba, sun ce in kashe kudin kawai."

A bangare guda, wani matashi dan Najeriya, Julius Eze, ya baiwa mutane mamaki bisa wani abin ban sha'awa da yayi.

Tsakanin ranar Juma'a, 9 ga Yuli da Asabar 10 ga Yuli, bayan an kulle bankuna, ya ga an tura masa kudi N2.5m cikin asusunsa.

Ba tare da bata lokaci ba ya bayyana a shafinsa na Facebook cewa ranar Litinin, 12 ga Yuli zai mayar da kudin banki.

Asali: Legit.ng

Tags:

Yaran masu kudi