Abubuwa 60 da suke jawo yawan mutuwar aure – Sheikh Aminu Ibrahim Daurawa

Abubuwa 60 da suke jawo yawan mutuwar aure – Sheikh Aminu Ibrahim Daurawa

Shehin malamin addinin musulunci, Aminu Ibrahim Daurawa ya yi wani rubutu, inda ya kawo wasu daga cikin musababban mutuwar aure a Najeriya.

A wani rubutu da malamin ya yi a shafinsa mai taken 'abubuwa sittin (60) da suke kawo mutuwar aure', ya jero wasu dalilan yawan mace-mace a kasar nan.

Sheikh Aminu Ibrahim Daurawa ya yi aiki a hukumar HISBAH ta jihar Kano, wanda wannan ya ba shi damar fahimtar dalilan sabani tsakanin masu aure.

Irin abin da ya gani ne ya sa har malamin ya bude cibiya domin gyara rayuwar ma’aurata. An sa cibiyar suna ‘Love & mercy school for marriage counseling.’

A rubutun na sa, Aminu Daurawa ya raba wadannan musababban mutuwar aure zuwa rukuni uku; na kafin aure, cikin aure da matsalolin bayan an yi aure.

Read also

Dangote da jerin mashahuran masu kudin Afrika 5 da suke cikin Attajiran Duniya a 2021

Daga cikin dalilan da Aminu Ibrahim Daurawa ya kawo akwai auren dole, miyagun ala’adu, matsaloli daga surukai da kuma sauran ‘yanuwan ma’auratan.

Su menene ke jawo aure ya mutu?

1. Al’adu

2. Rashin Ilimin Zamantakewar Aure

3. Rashin Zabin Matar Kirki Ta Gari

4. Auren da babu Soyayya Daga Miji Ko Mata

5. Gaggawar Yin Aure Batare Da Mutum Ya Shirya Ba

6. Banbancin Ilimi

7. Rashin Binciken Halin Miji Kafin Aure

8. Rashin Binciken Halin Mata Kafin Aure

9. Matsalar Iyayen Miji

10. Matsalar Iyayen Mata

11. Matsalar Dangin Miji

12. Matsalar Dangin Mace

13. Rashin Tsafta

14. Rashin Iya Kwalliya

15. Rashin Iya Magana

16. Rashin Ciyarwa

17. Rashin Iya Kwanciyar Aure

18. Rashin Adalci

19. Goyon Kaka (Yar Shagwaba)

20. Auren Kisa Wuta

Read also

Dantata, Ojukwu, Da Rochas da sauran masu kudin da suka shahara kafin samun ‘yancin-kai

Sauran dalilan sun hada da larurar rashin lafiya, rashin bincike, wasa da hakkoki, kazanta, kishi, rashin tarbiya.

Aminu Ibrahim Daurawa
Sheikh Aminu Ibrahim Daurawa Hoto: @Amdaurawa
Source: Facebook

21. Zaman Gidan Haya

22. Ruwan Ido Wajen Neman Aure

23. Auren Bariki

24. Auren Mace Don Kudinta

25. Auren Dole

26. Matsalar Talauci

27. Matsalar Qawaye

28. Zafin Kishi

29. Rashin Haihuwa

30. Rashin Ladabi

31. Rashin Kunya

32. Shaye-Shayen Kayan Maye

33. Kannen Miji

34. Kannen Amarya

35. Abokan Miji

36. Sata

37. Gulma

38. Tsananin Damuwa

39. Rashi Lafiyar Mace Wajen Gamsar Da Miji

40. Rashin Lafiyar Miji Wajen Gamsar Da Matarshi

Idan aka samu wasu daga cikin wadannan matsaloli da suka hada da cin amana, rashin wadata, da zafin kishi da mugun zato, babu mamaki a ji igiyar aure ta katse.

41. Sharrin Bokaye

42. Rashin Shawara Tsakanin Miji Da Mata

43. Aikin Mace (Ta Zama Yar Kasuwa Ko Ma'aikaciya)

44. Rashin Ilimi Da Samun Wayewa Akan Aure

45. Rashin Daukar Nauyin Iyali Wajen Basu Haqqi

Read also

Gumi ya caccaki 'yan aware: Igboho da Kanu ne suka kunna wutar rikicin Fulani a kudu

46. Cin Bashi Ayi Aure

47. Yawan Tafiye-Tafiye

48. Yawan Zuwa Unguwa

49. Cin Amanar Aure Daga Miji Ko Mata

50. Shigar Da Qawaye Ko Abokai Cikin Harkar Iyali

51. Rashin Kula Da Addini

52. Girman Kan daya Daga Cikin Ma'aurata

53. Rashin daukar Aure A Matsayin Ibada

54. Butulci Da Manta Alheri

55. Samun Larura Ko Wani Ciwo Mai Tsanani

56. Yawan Shigar Iyaye Cikin Harkar Aure

57. Al mubazzaranci

58. Rashin Godiya

59. Mummunan Zato

60. Rashin Nuna Tausayi Da Damuwa Da Juna.

A karshe, Daurawa ya roki Allah (SWT) da ya daidaita tsakanin ma'aurata, Ya bada zaman lafiyar aure.

A wani rubutu da Malam Abubakar Sani Abdullahi ya yi, ya kawo dalilan da suka sa hatsi suke kara tsada a Najeriya, ya hada da shawara ta musamman ga jama'a.

Masanin ya bayyana abin da ya ke jawo tsadar kayan abinci, baya ga kira da jan kunne ga manoma da magidanta a kan abin da ya kamata su yi a shekarar badi.

Source: Legit.ng

Online view pixel