Innalillahi Wa'inna Ilaihi Raji'un: China za ta yiwa Qur'ani da Bible kwaskwarima domin suyi dai dai da zamani

Laraba, Disamba 25, 2019 at 1:15 Yamma daga Mudathir Ishaq 2 - tsawon mintuna

- Kasar China zata sake rubuta Bibul da Qur’ani don su ‘daidaita da zamani’

- Hakan ya biyo bayan durkushewar kungiyoyin addinai na kasar ne da hukumomi suka lura dashi

- Za a kara rubuta littafan addinan ne tare da sauya wasu layika da suka ci karo da tanadin jam’iyyar mutane

Kasar China zata sake rubuta Bibul da Qur’ani don su ‘daidaita da zamani’ sakamakaon durkushewar kungiyoyin addinai na kasar, wani rahoto ya bayyana.

Sabbbin littafan addinan ba zasu kunshi wasu abubuwa da suka ci karo da dukkan tanadin jam’iyyar jama’a ba, daya daga cikin manyan jami’an jam’iyyar ya sanar. Sakin layukan da suka ci karo da tanadinsu za a gyara su ko kuma a kara fassara su.

Duk da cewa, ba a kira Bibul da Qur’ani kai tsaye ba, jam’iyyar ta yi kira a kan gyara a littafan addinan kasar, wadanda abinda suka kunsa bai yi dai-dai da cigaban zamani ba.

KU KARANTA: Hotuna: Hazikin matashi ya kera keke mai tuka kanshi da kanshi a jihar Kano

An bada wannan umarnin ne a taron da aka yi a watan Nuwamba wanda shugaban kwamitin kabilu da addinai na kasar ya shugabanta. An yi taron ne sakamakon kalubalen da kasar China ke fuskanta a kan dokokinta na addini.

Wani bidiyon sirri da ya bazu cikin kwanakin nan ya bayyana yadda gwamnatin kasar China ke wanke kwakwalwar musulman yankin Xinjiang don sun rungumi al’adar turawan kudu. Fallasar nan kuwa ta sa sakataren Amurka Mike Pompeo a watan Nuwamba ya ce, hakan na bayyana cewa hukumomin kasar na tirsasawa musulmin yankin sakin addininsu.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu:

https://play.google.com/store/apps/details?id=com.naij.hausa

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Addinin Musulunci da Kiristanci Labaran Duniya