Yadda wani bawan Allah ya shafe shekaru 36 a gidan kurkuku, saboda ya saci N18,000
- Wani mutumi ya shafe shekara 36 a gidan kurkuku saboda yayi sata a wani gidan biredi
- Mutumin mai suna Alvin Kennard yayi fashi da makami a wani gidan biredi, inda ya kwaci naira dubu goma sha takwas
- Wannan dalilin ne yasa aka yanke masa hukuncin daurin rai da rai, amma kuma wani alkali ya bayar da umarnin sakin shi a yanzu
An yanke hukuncin sakin wani mutumi daga gidan yari bayan ya shafe shekaru 36 a gidan yari saboda ya saci naira dubu goma sha takwas (N18,000).
Mutumin mai suna Alvin Kennard an yanke masa hukuncin kisa ne ba tare da beli ba, a lokacin tsohuwar dokar Alabama.
An kama Kennard yaje yin fashi da makami a wani gidan biredi, inda ya saci dala hamsin ($50), kimanin naira dubu goma sha takwas.
KU KARANTA: Tirkashi: An bayyana babban dalilin da yake kawo yawan 'yan luwadi da madigo a Najeriya
Tun lokacin mutumin mai shekaru 58 yake zaune a gidan kurkuku a matsayin hukuncin kisa. Sai dai kwatsam kuma wani alkali ya karbi rokon da yake yi masa inda ya bayar da umarnin a sake shi.
Yanzu haka dai alkalin kotun ya bayyana cewa yana cika wasu takardu ne domin aikawa gaba akan sakin Kennard.
Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.
Latsa wannan domin samun sabuwar manhajar labarai ta Legit.ng Hausa a wayar ku ta hannu:
https://play.google.com/store/apps/details?id=com.naij.hausa
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
