An bayyana adadin mutanen da ke ta'ammuli da ganyen wiwi a Najeriya
Kungiyar sa ido kan miyagun kwayoyi da manyan laifuka na Majalisar Dinkin Duniya (UNODC) ta bayyana cewa akalla mutane miliyan 10 ne ke ta’ammali da ganyen wiwi a Najeriya.
UNODC ta sanar da hakan ne a wurin taron nemo hanyoyin magance illar ta'amulli da miyagun kwayoyi da aka gudanar a babban birnin tarayya, Abuja.
Kungiyar ta kuma bayyana cewa ta'amulli da ganyen wiwi ya zama ruwan dare duba da cewa kimanin mutane miliyan 188 ke amfani da ita a duniya baki daya.
A cewar jami'in UNODC Oliver Stolpe, kungiyar ta gano hakan ne cikin wata binciken da tayi a 2018.
DUBA WANNAN: An bayyana aninin dalilin da yasa Sani Aliyu ya yi murabus daga NACA
A baya Legit.ng ta kawo muku cewa Hukumar yaki da fasa kwabri ta kama kullin tabar wiwi 1,682 wanda ya kai kudi Naira 25,290,000 boye a cikin gawa da wata babbar mota a kan iyakar Seme.
Kwantirola na bodar, Mohammad Garba ya bayyana cewa a ranar Talata aka shigo da haramtacciyar tabar ta kan iyakar.
Ya ce jami’an su sun tsayar da wata mota da ke dauke da gawa a bisa zargin cewa akwai wani abun da aka boye a gawar.
“Bayan da aka bincika sai jami’an mu suka gano kulli 55 na tabar wiwi a kalkashin akwatin da aka dauko gawar.”
“An kama mutane biyun da ke cikin motar nan take amma an kyalesu an tafi da gawar don a binne. Haka zalika, an boye kulli 1,582 a cikin wata mota, kanta, kirar Mitsubishi da aka lullube ta da ledar taliyar Indomie.
“An kuma kama kulli 45 na tabar wiwi a wurare daban daban wanda hakan ya bada adadin yawan tabar da aka kama ya zama 1,682."
“Mutane takwas din da aka kama za a tuhume su a kotu, Inji Garba.
Ya kara da cewa hukumar ba za tayi kasa a gwuiwa ba wajen yakin da fasa kwabrin da sauran laifuffukan da akeyi a tsakanin bodar kasannan.
Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.
Ku biyo mu a shafukanmu na dandalin sada zumunta:
Facebook: https://facebook.com/legitnghausa
Twitter: https://twitter.com/legitnghausa
Idan kuna da wata shawara ko bukatar bamu labari,
Tuntube mu a: labaranhausa@corp.legit.ng
Asali: Legit.ng
