Labarai

Buhari ya sauka a kasar Faransa da tawagar sa

Asabar, Nuwamba 10, 2018 at 9:39 Yamma daga Mudathir Ishaq 2 - tsawon mintuna

Shugaban kasa Muhammadu Buhari ya isa kasar Faransa domin halartar taron kasa da kasa a kan zaman lafiya da za a yi, a karo na farko, tsakanin ranakun 11 da 13 ga watan Disamba, 2018.

A sanarwar da ta fito daga fadar shugaban kasa a jiya, Juma'a, Femi Adesina, kakakin shugaba Buhari ya sanar da cewar Buhari zai sadu da babban sakataren Majalisar dinkin duniya da ragowar shugabannin duniya domin tattauna gudunmawar da kowa zai iya bayarwa wajen tabbatar da zaman lafiya a duniya.

Kazalika shugaba Buhari zai halarci taron cin abinci da shugaban kasar Faransa, Emmanuel Macron, ya shiryawa ragowar bakin da su ka halarci taron.

Buhari ya sauka a kasar Faransa da tawagar sa — Buhari, bayan ya sauka a kasar Faransa
Asali: Twitter

Gwamnatin kasar Faransa da hadin gwuiwar wasu kungiyoyi ne su ka shirya taron domin tattaunawa a kan muhimman batutuwan da zasu tabbatar da zaman lafiya mai dorewa.

Kafin ya dawo Abuja, shugaba Buhari zai gana tare da tattaunawa da 'yan Najeriya mazauna kasar ta Faransa.

DUBA WANNAN: Da duminsa: 'Yan Boko Haram sun kai hari a garin Maiduguri

Daga cikin 'yan rakiyar shugaba Buhari akwai; gwamna Aminu Bello Masari na jihar Katsina, gwamna Willie Obiano na jihar Anambra, da gwamna Kayode Fayemi na jihar Ekiti.

Ragowar 'yan rakiyar su ne; ministan harkokin waje, Geoffrey Onyeama; ministan shari'a, Abubakar Malami; mai bawa shugaban kasa shawara a kan harkar tsaro, Babagana Monguno; da babban darektan hukumar leken asiri ta kasa, Ahmed Abubakar.

Muhimmiyar sanarwa: Shafin NAIJ.com Hausa ya koma LEGIT.ng Hausa. Mun gode da kasancewarku tare da mu.

Latsa wannan domin samun sabuwar manhajar labarai ta Legit.ng Hausa a wayar ku ta hannu: https://play.google.com/store/apps/details?id=ng.legit.hausa&hl=en

Ku biyo mu a shafukanmu na dandalin sada zumunta:

Facebook: https://facebook.com/legitnghausa

Twitter: https://twitter.com/legitnghausa

Idan kuna da wata shawara ko bukatar bamu labari,

Tuntube mu a: labaranhausa@corp.legit.ng

Asali: Legit.ng

Authors:

Mudathir Ishaq Mudathir Ishaq is the head of the Hausa desk at Legit.ng. He studied Industrial Chemistry as first degree at the University of Abuja, Journalism (CSR Specialization) with the Michigan State University and runs MSc Industrial Chemistry from the Nasarawa State University, Keffi. With more than a decade experience in news reporting and content editing, he has interviewed influential personalities. He can be reached on: mudathir.ishaq@corp.legit.ng

Tags:

Kasashen Duniya Gwagwalada Abuja