Mutane su na zuzuta karfin Tinubu a siyasar Kasar nan – Inji Oby Ezekewsili

Mun samu labari cewa daya daga cikin ‘Yan takarar Shugaban kasa a zaben 2019 Dr Oby Ezekwesili ta bayyana cewa jama’a su na zuzuta karfin babban Jigon nan na Jam’iyyar APC watau Bola Tinubu.

Madam Oby Ezekwesili ta nuna cewa za ta lashe zabe mai zuwa duk da ba ta da wani tsari kafe a kasa kamar yadda sauran manyan Jam’iyyu irin su APC su ke da shi. ‘Yar takarar tace mutane su na zuzuta karfin kafuwar Jam’iyyun kasar.

A jawabin na tsohuwar Ministar, ta bayyana tasirin Bola Tinubu bai kai yadda mutane su ke nunawa ba domin kuwa duk da karfin sa da ake ta yayatawa a siyasa, kuri’u kadan Jam'iyyar sa ta APC ta samu a Garin Alimosho a zaben ya wuce.

KU KARANTA: Atiku yayi wani zama a boye da su Saraki da Peter Obi a kasar Larabawa

Ezekwesili ta ke cewa duk da akwai sama da kuri’u 650, 000 a Garin Alimosho mai mutum fiye da Miliyan 1.2, sai dai a lokacin zabe mutane 140, 000 ne rak ne su ka fito su ka kada kuri’ar su inda mutane 86, 897 ne kacal su ka zabi APC.

Mai neman shugaban kasar a ACPN ta nuna cewa an kyale su Asiwaju Bola Tinubu ne su na cin karen su babu babbaka amma tace dole a taka masu burki a halin yanzu. Ezekwesili tace abin da kamar wuya amma za ta iya lashe zaben 2019.

Kwanaki dai kun ji cewa Oby Ezekwesili, tayi kaca-kaca da Atiku Abubakar kan alkarin sa na rage kudin man fetur. 'Yar takarar tace shakka babu Atiku bai fahimci komai a kan tattalin arzikin Najeriya ba.

Idan ka na da wata shawara ko bukatar ba mu labari, a tuntube mu a: labaranhausa@corp.legit.ng

Ku same mu a https://www.facebook.com/legitnghausa

Ko a http://twitter.com/legitnghausa

Latsa wannan domin samun sabuwar manhajar labarai ta LEGIT NG Hausa a wayar ku ta hannu: https://play.google.com/store/apps/details?id=com.naij.hausa&hl=en

Shafin NAIJ Hausa ya koma LEGIT

Asali: Legit.ng