Tsohon shugaban kasar Sudan, Al-Dahab ya rasu a Saudiyya

- Tsohon shugaban kasar mulkin soja na Sudan, Abdulrahman Al-Dahab ya rasu

- Al-Dahab ya rasu ne a babban birnin kasar Saudiya wato Riyadh

- Abdulrahman Al-Dahab ya rasu yana da shekaru 83 da duniya

Tsohon shugaban kasar Sudan Abdulrahman Al-Dahab ya rasu a Riyadh, babban birnin kasar Saudiyya kamar yadda wani gidan talabijin na kasar, Al Arabiya ya ruwaito a jiya Alhamis.

DUBA WANNAN: Kungiyar Gwamnonin Najeriya ta bayyana matsayar ta kan batun karin albashi

Sai dai tashar talabijin din ba ta bayar da cikaken bayanin musababbin rasuwar na Al-Dahab ba. Al-Dahab shine shugaban kasa na biyar a tarihin Sudan kuma ya rasu ne yana da shekaru 83 a duniya.

Al-Dahab wanda tsohon soja ne ya mulki kasar daga ranar 6 ga watan Afrilun 185 zuwa 6 ga watan Mayun 1986 bayan ya yi juyin mulki a wancan lokacin inda ya hambarar da Nimeiry daga karagar mulki.

Tsohon shugaban kasar ya zaman Ciyaman din Gwamnatin mulkin soji a kasar har zuwa shekarar 1986 da aka gudanar da zabe sannan ya mika mulki ga Sadiq al-Mahdi kamar yadda kamfanin dillancin labarai na Najeriya (NAN) ta ruwaito.

Asali: Legit.ng