Budurwa Yar Najeriya Ta Yi Caraf Da Masoyinta Da Tsurut Kamar Karamin Yaro

• Wata matashiyar budurwa yar Najeriya da masoyinta dan tsurut sun dauka hankali a intanet saboda banbancin halittarsu
• Masoyan sun yi fice a duniya bayan wasu hotunansu na soyayya ya bayyana a dandalin soshiyal midiya, wato TikTok
• Yayin da wasu masu amfani da soshiyal midiya suka yi wa masoyan dariya wasu sun nuna sha'awarsu a gare su

Wata matashiya yar Najeriya ta haddasa cece-kuce a soshiyal midiya sakamakon bayyana hotunanta tare da sahibinta wanda ya kasance dan tsurut da shi.

Hotunan da shafin @holyson101 ya wallafa a TikTok ya nuna yadda matashiyar ta daga mutumin sama sai kace wani dan karamin yaro.

Yayin da ta dauke shi a dukkan hotunan, wani abu da ya kasance a dukka hotunan shine murmushinsu mai ban sha'awa.

Wani rubutu da ke tattare da hotunan da daya daga cikin masoyan ta wallafa ya ce: "har abadan abada shine muradin babi."

Kara karanta wannan

Ana wata ga wata: Wike ya kori manyan jami'an hukumomi da kamfanonin FCTA

Hotunan masoyan ya ja kudi fiye da N253k a daidai lokacin kawo wannan rahoton, inda mutane da dama suka dunga zolayar su.

Kalli bidiyon a kasa:

Martanin jama'a kan hotunan masoya

Omoyemwen ta ce:

"Kwarai har abadan abada ne muradin domin ke kadai kike da shi ba zai ci amana ba."

user1212214306550 ya ce:

"Pablo da pablet babu wanda zai raba ku za ku tsufa tare da juna."

Chuku-A-Boo-Car ya ce:

"Don Allah wani ya koya mun yadda ake dariya na tsakani da Allah."

Phi_Yin ta ce:

"Har yanzzu akwai soyayya ta gaskiya ke ce kike neman dan yahoo da kamara 3."

Himamah ta ce:

"Akwai miji ke ce kike neman wanda ya hada koma..

"Eh ke."

Afollybaeta ce:

"Muddin dai kuna kaunar junanku❤️Allah ya albarkaci auren."

Unknown ta ce:

"Abun da ya fi komai gayen ba zai samu matsalar fushi ba."

Kara karanta wannan

Yan Bindiga Sun Harbi Dalibai 3, Sun Sace Wata a Kwalejin Kimiyya a Wata Jihar Arewa

Matashi ya gwangwaje budurwarsa da sabuwar mota, iPhone 15 da fili

A wani labarin kuma, wata matashiyar budurwa ta rusa ihu sannan ta kusa shidewa bayan ta ga sabuwar motar Marsandi da saurayinta ya siya mata a matsayin kyautar zagayowar ranar haihuwarta.

An saka motar kirar Marsandi a cikin wani jan kwali. Ta kusa zaucewa a lokacin da aka mika mata makullin yayin da kawayenta suka bukaci ta saita kanta wuri daya.

Asali: Legit.ng