“Ban Taba Gani Ba”: Jami'ar Soja Mace Ta Dauki Juna Biyu, Ta Baje Kolin Katon Cikinta a Bidiyo

• Wata jami'ar soja ta samu juna biyu sannan ta baje kolin katon cikinta a TikTok domin mabiyanta su gani
• Kyakkyawar sojar, Kaxandre, tana aiki ne da rundunar sojin Amurka, kuma tana sanye da inifam dinta a cikin hadadden bidiyon
• Wasu mutane da suka ga Kaxandre da cikin da take dauke da shi sun ce wannan ne karo na farko da suke ganin soja mai ciki

Wata jami'ar soja mace da ke dauke da juna biyu ta baje kolin katon cikinta a wani bidiyon TikTok.

A wani bidiyo da Kaxandre ta wallafa, jami'ar sojar ta nunawa mabiyanta yadda ta kware a fannin rawa da katon cikinta.

Kaxandre tana sanye da kayan sojoji lokacin da ta bayyana a bidiyon, wanda a yanzu ya samu mutum miliyan 3.8 da suka kalla.

Kara karanta wannan

Mai Da Tsohuwa Yarinya: Yadda Mai Kwalliya Ta Sauya Fuskar Yar Shekaru 81 Ta Zama Tamkar Matashiya, Bidiyon Ya Yadu

Mai ciki da ke aiki da rundunar sojin Amurka ta nunawa duniya cikinta

A bidiyon, ta daga kayanta domin nuna cikin nata wanda ya girma ya yi kato. Ta kuma taka rawa, inda ta ja hankalin mabiyanta.

Wasu bidiyoyin a shafinta na TikTok sun kuma nuno ta a gida yayin da take dauke da cikin.

Mabiyanta da dama sun bayyana cewa basu taba ganin jami'ar soja mace da ciki ba a rayuwarsu.

Sauran sun bayyana ta a matsayin kyakkyawa sannan sun karfafa mata gwiwa cewa sun fada a tarkon sonta.

Kalli bidiyon a kasa:

Jama'a sun yi martani yayin da jami'ar soja mace ta baje kolin cikinta

@user1500283167589 yace:

“Wannan ne karo na farko da nake ganin jami’ar soja mai ciki.”

@fedoo07 ta ce:

“Oh antina, na dade ban gan ki ba.”

Kara karanta wannan

Wata Bahaushiya Ta Tashi Kan Mutane Da Sigar Rawanta a Wajen Biki, Bidiyon Ya Girgiza Intanet

@doricereginestlou ta ce:

“Ina farin cikin ganin mace mai ciki sakayau, Allah yasa ki haifi dan kirki.”

@Magareth Sinais 393 ta yi martani:

"Allah ya yi maki rakiya a wannan rana yar'uwa."

@Friday Daniel58 ya ce:

"WOW, karo na farko da nake ganin soja dauke da da. Allah ya sauke ki lafiya."

Mai POS ta fashe da kuka bayan kwastoma ya gudu mata da waya

A wani labari na daban, mun ji cewa wata mai POS ta shiga tasku sannan ta zub da hawaye bayan wani kwastoma ya sace mata wayarta.

A cewar matashiyar wacce aka dauka a bidiyo, ta ajiye wayar a kan teburinta yayin da take kula da kwatoman.

Asali: Legit.ng